+12 °С
Ясна
Бөтә яңылыҡтар
Төрлөһөнән
3 Май , 15:20
Байлыҡмы, әллә һаулыҡмы?
Бер кеше ҡыш көнө иртән уянып, урамға сыға һәм ҡар өҫтөндә эҙ күрә. Эҙҙәр өйгә табан килмәгән, ә сығып киткән. Эҙ буйынса бара торғас, был кеше тау ҡыуышлығына барып сыға.
Байлыҡмы, әллә һаулыҡмы?
– Бөгөн йортобоҙға ҡар өҫтөндә эҙ ҡалдырмайынса килеп, эҙ ҡалдырып китеүсе бындамы? – тип өндәшә.
– Эйе, – тигән яуап ишетелә.
– Һин кем? – тип һорай кеше.
– Мин – бәрәкәт.
– Ниңә киттең?
– Һиңә асыуландым.
– Аллаһ ризалығы өсөн, зинһар, ғәфү ит. Мин – бик ауырлыҡ менән донъя көткән фәҡир кеше. Һин киткәс, бөтөнләй астан үләсәкбеҙ, зинһар, кире ҡайт, – тип илай-илай үтенә.
– Ярай, артымдан эҙҙәрем буйынса килеп тапҡаның өсөн, бер теләгеңде үтәйәсәкмен. Әйт, ниндәй теләгең бар? – тип һорай бәрәкәт.
– Нәмә һорарға ла белмәйем, шуға күрә, рөхсәт бирһәң, өйгә ҡайтып, ғаиләм менән кәңәшләшһәм, һәйбәт булыр ине, – тип, бәрәкәттән рөхсәт алып, ҡайтып китә.
Ғаилә ағзалары төрлө кәңәштәр бирә. Ҡайһы берәүҙәре – байлыҡ, икенселәре – сәләмәтлек, өсөнсөләре яңы йорт һорарға ҡуша. Был хаҡта һәр береһе үҙ теләген әйтеп, талашып-ыҙғышып бөткәнсе, килен кеше барыһын да тынысландырып: “Әйҙәгеҙ, үҙ арабыҙға берҙәмлек һорайбыҙ”, – ти. Ни хикмәт, бөтәһе лә әлеге фекер менән килешә.
Һәм был кеше бәрәкәт янына барып “Беҙгә берҙәмлек кәрәк” тигәс, бәрәкәт:
– Мине ҡыҙыҡ иттегеҙ, сөнки берҙәмлек – икенсе исемем. Берҙәмлек булған ерҙә минән башҡа булмай. Тимәк, миңә киренән һеҙгә ҡайтырға тура килә, – ти һәм был кеше менән китә.
Берҙәмлектә – көс, берҙәмлектә – байлыҡ, матурлыҡ, бәрәкәт, бәхет.
(“Бәхетлеләр” календарынан.)
Фото: vk.com
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60