Базилик – тәбиғи антибиотик

Бер йыллыҡ шифалы үҫемлек беҙгә Һиндостан һәм Цейлон яҡтарынан килгән. Хуш еҫле һәм үҙенсәлекле тәмгә эйә булған үләнде тәүҙә кулинарияла ҡулланалар. Әммә күпмелер ваҡыттан һуң халыҡ табиптары уны дауа булараҡ файҙалана башлай.

Иң төп шифалы үҙенсәлеге бактерияларға ҡаршы көрәшергә ярҙам итеүсе эфир майҙарына бай булыуында. Бынан тыш, унда С, В2, РР витаминдары, каротин, шәкәр, фитонцидтар, Р-рутин бар.

Үҙенең дезинфекциялау, бактерияларға ҡаршы тороу үҙенсәлектәре буйынса базилик организмды күп инфекциянан һаҡларға һәләтле. Хатта бөтә төр инфекциянан һаҡлай, тип әйтергә мөмкин. Респиратор ауырыуҙарҙың һәр төрөн, тын юлдарының вируслы, бактериялы, бәшмәкле инфекцияларын, шулар иҫәбендә бронхитты, астманы дауалауҙа файҙаланыла. Базилик ашҡаҙан-эсәк трактына ла ыңғай йоғонто яһай, иммунитетты нығыта. Уны шулай уҡ киҙеүҙән, һалҡын тейеүҙән, үпкә ауырыуҙарынан, тән температураһын төшөрөү, тирләтеү сараһы булараҡ та тәҡдим итәләр. Танауҙан һәм үпкәнән артыҡ лайланы, йыуан эсәктәге артыҡ газды сығарырға ярҙам итә, нервы туҡымаларын нығыта, туҡлыҡлы матдәләрҙең үҙләштерелеүен, хәтерҙе яҡшырта. Зиһенде яҡшыртыу өсөн уның төнәтмәһенә бал ҡушып эсәләр.

Ангина

Дүрт ҡалаҡ ваҡланған япрағына 250 мл ҡайнар һыу ҡойоп, 20 минут ҡайнатырға. Әҙер булғас, һөҙөп, көнөнә ике-өс тапҡыр тамаҡты йылы төнәтмә менән сайҡатырға.

Конъюнктивит, күҙ ҡабағының ялҡынһыныуы

Ике ҡалаҡ базиликҡа 500 мл ҡайнар һыу ҡойоп, һыуынғансы тоторға. Марляны ошо төнәтмәгә сылатып, күҙгә ябырға. Шулай уҡ көнөнә ике-өс тапҡыр ашарҙан алда яртышар стакан эсергә.

Баш ауыртҡанда

Бер ҡалаҡ базилик, йылантамыр (шалфей), мелисса ҡатнашмаһына 200 мл ҡайнар һыу ҡойоп, 20 минут төнәтергә. Һуңынан һөҙөп алып, бер балғалаҡ бал өҫтәргә һәм әҙ-әҙләп йотомлап эсергә. Ярты сәғәттән баш ауыртыуы үтер. Был төнәтмә шулай уҡ тынысландыра һәм ҡурҡыу, хәүефләнеү тойғоһон баҫа.

Фото: pokayadoma.ru

Автор:

Читайте нас:

© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584

Баш мөхәррир: Илгиз Вәкил улы ИШБУЛАТОВ

Телефон

(347)292-77-60

Электрон почта

[email protected]

Адресы

450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.

Редакция

(347)292-77-60

Ҡабул итеү бүлмәһе

(347)292-77-60