Интернет селтәрен асып, бөгөнгө көн датаһын ғына яҙып ҡараһаң – әллә күпме ҡыҙыҡлы мәғлүмәт сыға. Ә бөгөн, мәҫәлән, интернеттың тыуған көнө. Белеүебеҙсә, бөтә донъя үрмәксеһе йәшәйештең бар өлкәһенә лә үтеп ингән. Һуңғы ун йылда ғына интернет ҡулланыусылар әллә күпме тапҡырҙарға артып киткән. Уның тиҙлеге лә, мөмкинлектәре лә йылдан-йыл күбәйә генә бара бит. Әлеге көндә мәғлүмәт алыуҙа иң мөһим сара һәм сығанаҡ булып иҫәпләнә ул. Әммә шул уҡ ваҡытта бер файҙаһыҙға ваҡытты бушҡа әрәм итеп, көнө-төнө интернетта ултырыу ҙа яҡшыға килтермәүен, сәләмәтлектең дә ныҡ ҡына зыян күреүен, һәр нәмәнең дә самаһын белергә кәрәклеген дә онотмайыҡ әле, дуҫтар!