Был көндө донъя музейҙары үҙ ишектәрен аса, һәр кем күргәҙмәләр залын, яңы экспонаттарҙы ҡарай ала. Төрлө лекциялар, экскурсиялар, театр тамашалары ойошторола.
Халыҡ-ара музейҙар көнөн байрам итеү сиктәрендә 1999 йылдан «Музейҙар төнө» акцияһы уҙғарыла башланы. Тәүге тапҡыр ул Францияла үткәрелде һәм «Музейҙа яҙ» тип аталды. 2001 йылда акцияла донъяның 39 иле ҡатнашты. Бөгөнгө көндә ул 42 илдә ойошторола. Төп маҡсаты — заманса музейҙың ресурстарын һәм мөмкинлектәрен күрһәтеү, килеүселәрҙе йәлеп итеү.
Башҡортостанда 90-дан ашыу музей иҫәпләнә, шуларҙың өстән бер өлөшө — дәүләт, ҡалғандары муниципаль музейҙар.
Фото: Яндекс