+10 °С
Болотло
Бөтә яңылыҡтар
Иҫтәлекле көндәр
2 Апрель , 14:30
Рәсәй журналистикаһы легендаһы — беҙҙең арала!
Рәсәй Журналистар союзының Мәскәүҙә үткән 30-сы юбилей тантанаһында яҡташыбыҙ, күренекле сатирик-яҙыусы, журналистика ветераны Марсель Шәйнур улы Сәлимовҡа илдең иң юғары һөнәри наградаһы — «Рәсәй журналистикаһы легендаһы» почётлы исеме бирелде. Марсель Сәлимов — Башҡортостандың халыҡ яҙыусыһы, тиҫтәләгән халыҡ-ара һәм Бөтә Рәсәй премиялары лауреаты, легендар «Һәнәк» журналының оҙаҡ йылдар дауамында баш мөхәррире булып эшләгән шәхес. Ул үҙенең үткер ҡәләме, принципиаль позицияһы һәм фиҙаҡәр хеҙмәте менән Ватан журналистикаһы тарихында алтын хәрефтәр менән яҙылырлыҡ хеҙмәт һалды.
Рәсәй журналистикаһы легендаһы — беҙҙең арала!
Беҙ — уның хәҙерге «һәнәкселәре», хеҙмәттәштәре һәм шәкерттәре — остазыбыҙҙы ошо оло танылыуы менән ихлас күңелдән ҡотлайбыҙ! Марсель Шәйнур улы беҙҙең өсөн һәр ваҡыт өлгө булып ҡала. Ул хаҡлы ялда булһа ла, бөгөн дә сафта, беҙҙең рухи таянысыбыҙ һәм ҡәләмдәш дуҫыбыҙ. Хөрмәтле Марсель ағай! Почётлы аҡһаҡалыбыҙ! Һеҙҙең үткер сатирағыҙ һәр ваҡыт ике йөҙлөлөккә, коррупцияға һәм йәмғиәттең башҡа етешһеҙлектәренә ҡаршы аяуһыҙ булды. Һеҙҙең ҡәләм киләсәктә ҙә йәмғиәтебеҙҙең таҙарыуына, сәскә атыуына хеҙмәт итһен. Һеҙгә ҡоростай сәләмәтлек, ижади оҙон ғүмер һәм яңынан-яңы үрҙәр теләйбеҙ. Ҡәләмегеҙ һәр ваҡыт үткер, һүҙегеҙ үтемле булһын!
Иң изге теләктәр менән, һәнәктәр.
Фото:https://ufa.mk.ru/culture/
Рәсәй журналистикаһы легендаһы — беҙҙең арала!
Новости партнеров