Тап шундайҙар өсөн булдырылған да инде Төҫлө ҡәләм көнө. Ҡәләм – моңһоу һүрәттәрҙе йәнләндереүсе, үҙенең сағыу төҫтәре менән сәскәләргә йәм биреүсе тылсымлы ҡорал ул. Был байрамда кемдәрҙе ҡотларға һуң? Әлбиттә, рәссамдарҙы, рәсем дәресе уҡытыусыларын. Ә нимә бүләк итергә? Төҫлө ҡәләм инде. Ғаиләлә бергәләп ижад көнө ойоштороп ебәрегеҙ, һүрәттәр конкурсында ҡатнашырға ла була. Альбом сығарып, үҙ көсөңдө һынап ҡарарға шәп мөмкинселек бит. Ҡыҫҡаһы, рәхәтләнеп ижад донъяһына сума алаһығыҙ. Сөнки бөгөн бының өсөн бик яҡшы сәбәп бар.