-4 °С
Ҡар
Бөтә яңылыҡтар
Төрлөһөнән
22 Июнь 2022, 13:00

Йомортҡа ҡабығын ташламағыҙ!

Йомортҡа көндәлек тормошта ярайһы ҡулланыла. Ә бына күптәр уның ҡабығын, ҡош-ҡорто булмаһа, ташларға ғәҙәтләнәгән. Белгестәр иһә уны сүп һауытына һалмаҫҡа, йыйып барырға кәңәш итә, сөнки унда үҫемлектәргә кәрәкле эзбис күп.

Йомортҡа ҡабығын ташламағыҙ!
Йомортҡа ҡабығын ташламағыҙ!

Ул тупраҡтың әселеген кәметә, структураһын яҡшырта. Ҡабыҡты ерҙе ҡаҙығанда йәки орлоҡто сәскәндә һибергә була. Әлбиттә, иң элек йомортҡа ҡабығын киптерергә һәм тоҡсайға һалып, уҡлау менән төйөп, порошок һымаҡ хәлгә килгәнсе ваҡларға кәрәк.

Бешкән йомортҡа ҡабығын йыйырға тырышығыҙ, микробтарын бөтөрөү өсөн сей йомортҡа ҡабығын ике-өс минут һыуҙа ҡайнатып алырға кәрәк.

Йомортҡа ҡабығы менән тулыландырыуҙы кишер, кәбеҫтә, ҡыяр, шалҡан ярата. Еләк-емеш ағастарынан сейә, слива, һырғанаҡ эзбисҡа мохтаж. Был ҡалдыҡтарҙы иң беренсе сиратта уларға индерергә кәрәк.

Фото: botanichka.ru

https://bashgazet.ru/articles/ba-sa/2020-02-18/yomort-a-aby-yn-tashlama-y-648908

 

Автор:Дилара Арсаева
Читайте нас: