Бер ҙә улай түгел икән шул. Баҡтиһәң, унда ла киң тау сылбырҙарынан теҙелгән ҡоп-ҡоро боҙһоҙ урындар бар икән. Сүллектәге кеүек бында ла уларҙы оазис тип йөрөтәләр. Ни өсөн улай, тиһегеҙме? Сөнки был үҙәндәрҙә йәшәү билгеһе бар, улар бында үҫкән төрлө мүктәрҙә сағыла. Ҡасандыр, борон-боронда, ошо оазистар нисектер боҙҙан арынған һәм шунан бирле был урынды яңынан боҙ ҡапламаған. Ә ара-тирә яуған ҡарҙы иҫкән әсе елдәр тиҙ арала юҡҡа сығарып тора.
Фото: Яндекс.Дзен