- Нисек уйлайһығыҙ, тулдымы? – тип һораған шунан.
- Эйе, күренеп тора бит, тулды, – тип яуаплаған шәкерттәр.
Артабан ҡарт моҡсай менән ҡаты борсаҡ килтереп сығарған да әлеге һауытҡа ҡоя башлаған. Вағыраҡ һәм йоп-йоморо булғас, ул таштар араһындағы ярыҡтарға һис бер ауырлыҡһыҙ инеп урынлаша икән. Моҡсайҙа бер бөртөк тә борсаҡ ҡалмаған – барыһы ла һыйған быяла һауытҡа.
- Нисек уйлайһығыҙ, тулдымы? – тип һораған ғалим тағы.
- Эйе, әлбиттә, туп-тулы булды, – тип яуап биргән шәкерттәр.
Ҡарт иһә йылмайған да эшен дауам иткән: ниндәйҙер ҡумта эсенән ҡом алып, йәнә быяла һауытҡа ҡойорға керешкән. Уныһы ла таш менән борсаҡ араһына инеп юғалған, ти.
- Нисек уйлайһығыҙ, тулдымы – тип һораған уҡытыусы өсөнсө тапҡыр.
- Эйе, әлбиттә, был юлы бөтөнләй буш урын ҡалманы, тигән шәкерттәр дәрәү генә.
- Бынан һуң ғалим һауыт эсенә тағы ике сынаяҡ һыуҙы һыйҙырған.
– Ошо үтә күренмәле һауытты үҙегеҙҙең тормошоғоҙ тип күҙ алдына баҫтырығыҙ, – тип аңлатҡан шунан. – Әгәр уны тәүҙә ял итеү, кәйеф-сафа ҡороу һымаҡ ваҡ-төйәк менән тултырһағыҙ, аҙаҡ уҡыу, һөнәр, йорт, ғаилә һәм балалар кеүек эрерәк, мөһимерәк нәмәләргә урын тапмаясаҡһығыҙ. Ә инде иң кәрәклеһен ваҡытында етерлек туплаһағыҙ һуңынан башҡа нәмәләр ҡамасаулай алмаҫ.
"Бәрәкәт" журналынан.