+21 °С
Болотло
Бөтә яңылыҡтар
Төрлөһөнән
2 Апрель 2023, 11:00

Апрелгә бәйле һынамыштар

Тәбиғәтте күҙәтеү — быуын-быуындан килгән ғәҙәт, сөнки бик боронғо замандарҙан алып кешенең тормошо тәбиғәт күренештәренә бәйле булған. Хәҙер ҙә игенселек һәм баҡсасылыҡтағы отоу-отолоуыбыҙ күп осраҡта йылдың нисек килеүенә, һауа торошона, яуым-төшөмдөң булыу-булмауына бәйләнгән. Күп йылдар һыналып килгәнгә күрә лә халыҡ һынамыштарының күбеһе ысынға тура килә.

Апрелгә бәйле һынамыштар
Апрелгә бәйле һынамыштар

Айҙың халыҡсан исеме “ҡар ҡыуғыс”, сөнки шәп ирей, гөрләүектәр аға.

Апрелдең алтыһында аяҙ булһа, йәй ҡоро килер, болотло булһа, ашлыҡ уңыр.
- Апрель яртыһында торна ҡысҡырһа, йыл яҡшы килә.
- Апрелдә көндөҙ эҫе, төндә һыуыҡ булыуы – йылы йәйгә.
- Апрелдең һуңғы ун көнөндә ямғыр яуһа, уңыш мул булыр.
- Апрелдә ҡайын һыуы күп аҡһа, йәй ямғырлы булыр.
- 1 апрелдә көн торошо ниндәй, октябрҙең беренсе көнө лә шундай булыр.
- 12 апрелдә бәпембә сәскә атһа, йәй ҡыҫҡа булыр.
- 15 апрелдә йылғалар боҙҙарынан ташып аҡһа, бесән мул булыр.
- 24 апрелгә тиклем ҡар һыуҙары ағып бөтмәһә, тимәк, яҙ һуң килә.

Фото: witchnest.ru

Автор:Дилара Арсаева
Читайте нас: