-2 °С
Болотло
Бөтә яңылыҡтар
Төрлөһөнән
14 Июнь , 17:20
Нисек дуҫтар табырға?
Бер бәләкәй ҡыҙ ауылға килгән дә урамға сығып, бойоғоп тора икән. – Миңә бик күңелһеҙ. Нисек дуҫтар табайым? – тип һораған атаһынан.– Һинең эргә-тирәңдә буласаҡ дуҫтарың күп ул. Иғтибарлыраҡ ҡара әле, – тип өйрәткән атаһы.
Нисек дуҫтар табырға?
Ҡыҙыҡай телгеләй ҡараған, былай ҡараған, бер кешене лә күрмәгәс, арыраҡ киткән. Һәм күрә: ҡырҙа бер ҡолонсаҡ саба. Был ҡыҙ уның янына яҡынлашыуы була, шуҡ ҡолонсаҡ тағы ла нығыраҡ һикерәңләп, яландың икенсе башына саба.
Шул мәл яҡындағы ҡыуаҡ төбөнән ҡуян килеп сыға. Ҡыҙыҡай уны ла тота алмай ҡала. Бер күгәрсен, ана ҡунам, бына ҡунам, тип эргәлә генә осҡолай, әммә ҡыҙҙан тоттормай.
Ахырҙа ҡыҙсыҡ сәскә өҫтөндә ултырған “ҡояш апай”ҙы (ҡамҡа) тотоп, бармағына ултырта.
– Ебәрсе мине, – тип үтенә уныһы.
– Юҡ, ебәрмәйем, әйҙә, дуҫлашайыҡ, юҡһа, береһе лә минең менән уйнарға теләмәй, – тип ныҡыша ҡыҙ.
– Аңлашыла-а, – тип һуҙа “ҡояш апай”. – Дуҫтарҙы нисек табырға өйрәтәйемме һиңә?
– Өйрәт! – ти ҡыҙыҡай.
– Анау йәшле үләнде өҙөп ал да ҡолонсаҡты саҡыр, юртып килер. Бая ҡуян сығып һыпыртҡан ҡыуаҡ төбөнә кишер һал, оҙонғолаҡ рәхмәт әйтер, дуҫлашырһығыҙ. Күгәрсенгә бойҙай һип, һиңә йырын йырлар, үҙе ҡулыңа уҡ килеп ҡуныр. Дуҫтар табыуы ҡыйын түгел ул. Кешеләр араһында ла, хайуандар араһында ла һинең менән дуҫлашырҙайҙары күп булыр. Тик тәүҙә улар өсөн дә нимәлер эшләргә кәрәк. Йә матур йылмайырға, йә һыйларға, йә ярҙам итергә... Ә мин һинең ҡулыңда йылындым инде, артабан осҡом килә.
Бәхетле ҡыҙыҡай шулай “ҡояш апай”ҙы осороп ебәргән.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60