Уның ғәҙәттән тыш стиль хисе кутюр кейемдәре менән генә сикләнмәй, шулай уҡ хушбуйҙар, сумка һәм биҙәнеү әйберҙәрендә лә сағыла. Ул мәжлестәр яратҡан, кеше менән аралашҡан, элемтәләр урынлаштырған һәм бизнес алып барғандар менән тығыҙ бәйләнештә булған. Шанель амбициялы, тәүәккәл һәм тырыш ҡатын-ҡыҙ булған, тырышлығы уның ижадында асыҡ сағыла.
Ул күберәк сер булып күренә белгән һәм күп осраҡта үҙенең ысын йәшен һәм тыуған урынын бер ваҡытта ла әйтмәгән. “Мода китә, стиль ҡала” тигән әйтем дә уныҡы. Был уның ниндәй легендар стиль һәм мода иконаһы булғанын күрһәтә.
Шанель үҙенең карьераһын эшләпә оҫтаһы булып башлай. 1912 йылда үҙенең кейем дизайнеры карьераһын Францияның диңгеҙ буйындағы Довиль ҡалаһында эшләпә кибете асып башлай, тиҙ арала мода буйынса закондар сығарыусы булып китә һәм кейем етештереүгә ҡәҙәр киңәйә.
Фото: top15moscow.ru