"Юлымда ҡара бесәй осраны ла..."

Бала саҡтан һәр төрлө ырым-юрауҙарҙы, тыйыуҙарҙы йыш ишетеп үҫәбеҙ. Теләһәк-теләмәһәк тә, ҡайһы берҙәре аңыбыҙға һеңә, хатта, үҙебеҙ ҙә һиҙмәҫтән, уларҙың "ҡоло"на әйләнеп китәбеҙ.

Ырым-юрауҙар, тыйыуҙар тормошобоҙҙа аҙым һайын тигәндәй осрап тора. Бында күп нәмә кешенең үҙенән тора. Мәҫәлән, “Ҡара бесәй юлды ҡыйһа, юл уңмай” тигән ырым бик киң таралған. Ошоға ҡарата бер танышымдың ҡарашын килтерәм: “Ҡара бесәйҙәр ҙә ҡайҙандыр йөрөргә тейеш бит”. Һәм был, ысынлап та, шулай. Бер түгел, өс ҡара бесәй осраһа ла, күңелегеҙгә һис ниндәй шик-шөбһә алмай, юлығыҙҙы артабан дауам итегеҙ. Юғиһә, минең бер танышым өйөнә кире боролоп инергә тура килһә лә, “көҙгөгә ҡарайым, йә өс йотом һыу эсәм, йә уң яҡ яурыным аша өстө төкөрәм”, ти.

“Эх, ҡара бесәй йәки буш биҙрәле кеше осраны, юлым уңмай инде”, тип уйлау – үҙе үк хәйерһеҙ эшкә сәбәпсе булыуы ихтимал. Һәм был осраҡта бер ниндәй ҡара бесәй ҙә, буш биҙрә лә түгел, ә һинең баштан уҡ үҙеңде уңышһыҙлыҡҡа көйләүең сәбәпсе.

Әгәр шулай ҡапыл күңелгә шик-шөбһә төшһә, нимә эшләргә һуң? Бынан арыу уҡ йылдар элек ошо турала һүҙ сыҡҡас, оло ғына йәштәге хәҙрәт шундай кәңәш биргәйне: “Ырымға ышанма, Хоҙайға ышан”. Ысынлап та, һәр ғәмәлебеҙҙе изгегә юрап башлаһаҡ, бер ниндәй ҡара бесәйҙәр ҙә уның уңышлы, һөҙөмтәле булырына ҡамасаулай алмаҫ.

Фото: nu-mathimo.eu

https://bashgazet.ru/articles/matur-t-en-yaly-y/2020-03-28/yulymda-ara-bes-y-osrany-la-657833

Автор:

Читайте нас:

© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584

Баш мөхәррир: Илгиз Вәкил улы ИШБУЛАТОВ

Телефон

(347)292-77-60

Электрон почта

[email protected]

Адресы

450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.

Редакция

(347)292-77-60

Ҡабул итеү бүлмәһе

(347)292-77-60