-7 °С
Ҡар
Бөтә яңылыҡтар
Төрлөһөнән
4 Октябрь , 11:40
Ябай ғына кәңәштәрҙе иҫтә тотоғоҙ!
Тормош тигәнең, бигерәк тә серле инде. Ҡайһы ваҡыт шатлыҡтарың эсеңә һыймай, кем менән уртаҡлашырға белмәй, күбәләктәй осоп йөрөйһөң, ә ҡай саҡ ҡара ҡайғы баҫа, ҡулға бер эш бармай, эргә-тирәләгеләр һиңә тик насарлыҡ ҡыла кеүек. Ә был кире күренештәргә үҙебеҙ ғәйепле булыу тураһында уйлап та ҡарамайбыҙ. Баҡтиһәң, тормошта кире күренештәрҙе булдырмау үҙебеҙҙән тора. Бының өсөн көнкүрештә ябай ғына нәмәләрҙе белергә кәрәк.
Ябай ғына кәңәштәрҙе иҫтә тотоғоҙ!
- Мәҫәлән, өйҙә һыҙғырырға ярамағанды беләһегеҙме? Элек беҙҙең ата-әсәйҙәр: “Бәхетһеҙлек теләп, барлы-юҡлы аҡсаны елгә осороп, өйҙә һыҙғырмағыҙ”, - тип асыулана торғайнылар. Был ысынлап та шулай, һыҙғырыу йортҡа кире энергетиканы йәлеп итә, аҡса бал юҡ-барға бөтөп кенә торасаҡ.
- Өҫтәлде ҡағыҙ менән һөртмәгеҙ, был - ыҙғыш-талашҡа, бәхәскә килтерә.
- Асҡысты өҫтәлгә һалырға һәм уның менән туҡылдатырға ярамай – эргә-тирәләгеләр менән бәхәсләшеүҙән башығыҙ сыҡмаҫ.
- Өйҙә иҙәнде түрҙән ишеккә табан һеперергә кәрәк, шулай иткәндә насарлыҡтар китер, бәхәстәр булмаҫ.
- Өйҙә сит кешегә һауыт-һаба, иҙән йыуырға ҡушмағыҙ, яҡшы энергетика юҡҡа сығыр.
- Сытырығыҙҙы (зонт) өйҙә асып ҡуйып киптермәгеҙ, күҙ йәше түгелер.
- Бысаҡты бүләк итергә ярамай, ыҙғыш-талаш булыуы ихтимал.
- Бысаҡты һәм сәнскене өҫкә ҡаратып һалһаң, яуызлыҡ көт.
- Ватыҡ көҙгө тотмағыҙ, ватыҡ көҙгөгә ҡарамағыҙ, хатта һүрәт төшөрөлгән көҙгө һатып алырға ла ярамай - бәхетһеҙлек килтерә, энергетиканы боҙа, хатта көҙгөләге таптар тормошоғоҙҙа сағылыуы ихтимал.
- Иртән ятҡан урынығыҙҙы йыйыштырырға онотмағыҙ. Көнөгөҙ ыҙғыштан, аңлашылмаусанлыҡтан башланыр, көн дауамында бәхетһеҙлек эҙәрлекләр.
- Төнгөлөккә өҫтәлдә ҡалдырылған бысаҡ - ыҙғышҡа.
- Ашарға бешергәндә кәйефегеҙ күтәренке, уй-ниәттәрегеҙ яҡшы булһын. Кәйефегеҙ булмаһа, һеҙ яҡындарығыҙҙы тәмле аш урынына, киреһенсә, насар энергия менән һыйлаясаҡһығыҙ.
- Стаканда кемдер эсеп бөтмәй ҡалдырған һыуҙы, сәйҙе эсмәгеҙ. Сөнки ҡалған һыуҙағы насар энергетика һеҙгә күсә.
Тормошобоҙға бәйле ошо ябай ғына кәңәштәрҙе иҫтә тотһағыҙ, күңелегеҙ тынысланыр, кәйефегеҙ күтәрелер.
Фото: Pinterest
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60