-14 °С
Болотло
Бөтә яңылыҡтар
Төрлөһөнән
24 Ғинуар , 20:15
Ғүмер сәғәте
Ғәҙәтем бар шулай — иртән уянғас та, стена сәғәтенә күҙ һалам. Будильник та бар ул эргәмдә, уны тик уятыусы ғына итеп күрәм, гүйә һанһыҙ һәм "тел"һеҙ уятҡыс ҡына ул.Ашым ҡайнаһа ла, балам ҡайтып инһә лә, хатта утты һүндереп йоҡларға ятҡанда ла сәғәт телдәренә күҙ һалып алам шул. Юҡ, ул тиклем теүәллек бер ҡайҙа ла теркәлмәй ҙә бит, шулай ҙа ғәҙәт ҡалмай. Беләктә ҡул сәғәте булғанда ла, күҙ алмай хәреф сүпләгән телефонымда сәғәт тек-тек килһә лә, ваҡыт самалап стенаға борола шул башым.
Ғүмер сәғәте
Бөгөн дә аяғүрә баҫып стена сәғәтемә ҡараш ташланым. Аптыраҡ , ул — туҡтаған!
Һүрәм көн яҡтыһы күптән тау артына тығылып, бына - бына ерҙе нурға сорнарға йыйына, ә ул(сәғәт)төнгө икегә яҡынлаған да, бер аҙым етер етмәҫ шымған.
"Кистән генә һин дә мин эшләп тора ине лә һаң!"
Ғүмер сәғәте...
Ул берәү генә.
Туҡтап ҡалһа, кире ҡуҙғатыу сараһы юҡ. Ҡасан туҡтарын, ҡайһы аҙымға етмәй, йә ҡайһы үр артында өҙөлөрөн дә бер кем белмәй.
"Аһ, кисә генә арыу ғына йөрөп ята ине лә ?!"- тиер күптәр.
Ғүмер сәғәте — стена сәғәте түгел шул...
"Илаҡ ямғырҙар" төркөмөнән.
Новости партнеров