-12 °С
Болотло
Бөтә яңылыҡтар
Төрлөһөнән
25 Февраль , 13:10
Саңғы спорты ҡасан барлыҡҡа килгән?
Инглиз телендәге “саңғы” һүҙе исландтың “скидх” (ташлама) һүҙенән барлыҡҡа килеп, “ҡар аяҡ кейеме” тигәнде аңлата. Ҡайһы бер тарихсылар әйтеүенсә, килеп сығышы таш быуатҡа ҡарай, сөнки ҡаяларҙа 900 йылдан ашыу элек саңғысы һыны төшөрөлгән һүрәттәр табылған. Христиан дине булғансы уҡ Скандинавия лапландтарын “скрид-финнен”, “шыуыусы” тип атағандар. Уларҙың хатта саңғы алиһәһе лә булған, ә ҡыштың аллаһын, йәнәһе лә, саңғының танау һымаҡ бөгөлгән ерендә күргәндәр.
Саңғы спорты ҡасан барлыҡҡа килгән?
Тәүге шыуыу ҡорамалдарын – эре хайуан һөйәктәренән ал яғы бөгөлгән шаҡмаҡлы рам формаһында эшләгәндәр. Аяҡҡа ҡайыш менән беркетелгән. Ә бына саңғы спорты Норвегияла, Телемарк провинцияһында барлыҡҡа килә. Ысынлап та, ошо уҡ провинцияға ҡараған Моргедаль ҡалаһы саңғы спортының бишеге булараҡ билдәле. Был тирәләге ҡарҙың күплеге, ҡыштың оҙон булыуы сәбәпле, урындағы халыҡ өсөн берҙән-бер хәрәкәт итеү сараһы саңғы булған. Ҡайҙа ғына – һунарға, йәрминкәгә, күрше ауылға ҡунаҡҡа барырға йыйынһалар, бөтә ерҙә тик шыуып йөрөгәндәр. Бына шулай, әгәр ҙә һеҙ саңғыны заман спорты тип иҫәпләйһегеҙ икән, яңылышаһығыҙ. Сөнки 1767 йылда уҡ Норвегила тәүге саңғы ярыштары ойошторолған.
Фото: pcnews.ru
Новости партнеров