-2 °С
Болотло
Бөтә яңылыҡтар
Төрлөһөнән
23 Март , 17:35
Ҡоштарға — фильтрлы тәмәке төпсөгө
Әхмәр ҮТӘБАЙ: "Мең дә бер күҙәтеүем" яҙмаларынан 1074-се күҙәтеү. Орнитологтар яҙын ҡоштар тормошондағы бер сәйер күренешкә иғтибар иткән. Себештәре йомортҡанан морон төртөп сыҡҡан саҡта ата ҡоштар ояларына күпләп тәмәке төпсөктәрен ташый икән. Бының менән улар себештәрен һәр төрлө ҡоротҡостарҙан, талпандарҙан, бет-бөрсәләрҙән, башҡа зыянлы йән эйәләренән һаҡлай. Тағы ла шуныһы ҡыҙыҡ: ҡоштар теләһә ниндәй тәмәке төпсөктәрен сүпләмәй — тик фильтрлыларын ғына һайлай.
Ҡоштарға — фильтрлы тәмәке төпсөгө
Тәмәжниктәр быны аңлайҙыр, тәмәке фильтры юғары сифатлы мамыҡтан эшләнә — ҡошсоҡтар өсөн бынамын тигән дезинфекциялы матрац.
Тик ҡоштар тағы ла тәмәке составында булған 9 төрлө зарарлы матдәләр барлығын беләме икән? Улар: никотин, ыҫмала, углекислый газ, көкөртлө водород, ацетон, аммиак, синиль кислотаһы, ксилол, көкөртлө газ. Әйткәндәй, никотиндың 1 генә грамы атты үлтерә тиҙәр.
Улай тиһәң, ата ҡоштар юҡҡа ғына фильтрлы төпсөктәрҙе ояһына килтермәйҙер. Моғайын, фильтр менән ҡошсоҡтарын зарарлы матдәләрҙән аралау ысулын тапҡандарҙыр...
Фото: zmescience.com
Новости партнеров