Суд. Ире яғынан – асыуҙары йөҙҙәренә сыҡҡан бер өйөр ағай-энеһе, күн портфель тотҡан күҙлекле тәкәббер адвокат. Әхирәтем яғынан мин генә, джинсы салбар, футболка кейгәнмен. Судта адвокат үткән көн менән ашыҡ-бошоҡ төҙөлгән бүләк итеү килешеүе күрһәтеп, беҙҙе аптыратты. Килешеү ялған, ләкин быны нисек иҫбат итергә?
Нимәгә бәйләнергә икән тип, килешеүҙе ҡыҙып-ҡыҙып тегеләй-былай әйләндерәм. Ҡапыл теге яҡ өсөн дә, суд өсөн дә, хатта үҙем өсөн дә берҙән-бер һорау биреп, барыһын да шаҡ ҡатырҙым.
– Әфәнделәр! Әйтегеҙ әле, 1989 йылда һеҙ был килешеүҙе йыйыу өсөн компьютерҙы ҡайҙан алдығыҙ, иң мөһиме – баҫтырырға принтерҙы ҡайҙан таптығыҙ?
Ҡаушаған ҡараштар... Адвокаттың аңлайышһыҙ мығырлауы... Һәм отолған эш!
Әйткәндәй. Мин адвокат түгел. Мин шәфҡәт туташы.
И. ҒӘМБӘРОВА.
Фото: 9111.ru