Әлеге мәлдә барыһын да Украина тирәһендә барған ваҡиғалар борсой. Ҡасан һуғыш тамамланасаҡ? Cидиҡ Әфғанға һуңғы арала тик шул һорауҙы бирәләр.
Сидиҡ Әфған 1958 йылда бай ғаиләлә тыуып үҫә. Ата-әсәһенең улдарын Советтар Союзында уҡытырға мөмкинлектәре була, шуға ла ул Липецк менән Ленинградта ике институт тамамлай, урыҫ телен яҡшы белә.
Бөтә донъя һуғышы. Уның иҫәбе буйынса яңы бөтә донъя һуғышы 2055 йылда башланасаҡ. Ул мәғлүмәт һуғышы була.
Рәсәйҙе Сидиҡ икенсе тыуған иле тип һанай һәм күп фараздары уның Рәсәйгә ҡағыла. Өс тиҫтә йыл элек ул Рәсәй өсөн яңы тормош ҡапҡалары 2025 йылда асыла, тип фаразлағайны. 2030 йылда инде Рәсәй сәскә атасаҡ.
Советтар Союзы тарҡалғандан һуң уның яңынан терелеүе 2025 йылға тура киләсәк. Нәҡ ошо йылдарҙа БДБ илдәре Рәсәй тирәһендә берләшәсәк.
Украина. Украинала махсус хәрби операция тиҙҙән бөтәсәк. Быға ышаныуы ҡыйын, әммә Украина беренсе булып берләшеүгә яҙым яһаясаҡ. Уға Чернигов ҡалаһы янында булған ваҡиға сәбәпсе буласаҡ, ти ул. Рәсәй Украинаны еңә.
2025 – 2065 йылдарҙа Украина менән Рәсәй араһында һуғыш булмай.
2025 йылда АҠШ-ты Советтар Союзы яҙмышы көтә: ул тарҡаласаҡ. Илдә граждандар һуғышы башлана, штаттар тарҡалып бөтә һәм 2027 йылда ул супер держава булыуҙан туҡтай.
Евросоюз 2027 – 2032 йылдар араһында тарҡалып бөтә.
Рәсәй Президенты Владимир Путиндан һуң әлеге ваҡытта бер кем дә белмәгән етәксе киләсәк. Уны барыһы ла ярата, ул харизматик шәхес. Яңы президент 1972 йылда тыуған буласаҡ, ти ул.
Был фараздарға ышанырғамы-юҡмы, һәр кемдең үҙ эше.
Әммә Сидиҡ Әфған бер ҡасан да яңылышҡаны юҡ, тиҙәр белгестәр.
Сығанаҡ: samyznal.ru
Эльвира ӘСӘҘУЛЛИНА
https://omet-rb.com/articles/d-nyada-nil-r-bar/2023-01-23/matematik-sannar-kil-ch-kne-s-yli-3115471.