-3 °С
Болотло
75 лет Победы
Бөтә яңылыҡтар
Ғәләмәт бит
26 Ғинуар 2023, 17:25

Сос Йәмил

Йәмил үлеп күрше ауылдағы мәрйәне ярата. Күпмелер ваҡыт осрашып йөрөгәндән һуң мәрйә әйтә: – Йәмил, һөйөклөм, былай ҡасып-боҫоп йөрөп булмаҫ. Атайыма барып, минең ҡулымды һора.

Сос Йәмил
Сос Йәмил

Йәмил бара, ни күрһен, ҡыҙҙың атаһы поп. Поп әйтә:

– Ҡыҙымды беҙҙең динде ҡабул итһәң генә бирәм.

Ризалаша егет. Уны сиркәүгә алып киләләр. Кейемдәрен һалдырып, һин хәҙер Иван булаһың, тип өс тапҡыр һыуға батырып алалар. Йәштәргә христиандарса никах уҡыйҙар һәм улар поп өйөндә йәшәй башлай. Бына бөйөк пост килеп етә. Уларға был осорҙа итле, майлы аҙыҡ ашарға ярамай.

Бер көндө поп сиркәүҙән ҡайтып инһә, ни күрә. Йәмил ит ашап ултыра ти.

– Иван, һин нимә, беҙгә бит әлеге мәлдә ит ашарға ярамай!

– Кем әле бында ит ашай, мин картуф ашайым.

– Нисек инде ит картуф булһын?

– Ә ниңә булмаҫҡа ти.  Мин бит уны: “Һин хәҙер картуф булаһың “, тип һыуға өс тапҡыр сумдырып алдым.

Фото: m.gazeta.ru  –

Автор:Дилара Арсаева
Читайте нас в