«ЭШҠЫУАР АҒАЙ, аҡса дауай!»

Гел ҙур вазифала һәй­бәт эш хаҡы алып ултырмаҫ­һың, пен­сия­ға тиклем байып ҡал, исеме генә хаҡ­лы ял ул, ә дөрөҫө хаҡһыҙ, йәғни аҡса еткерә алмай бер булырһың, тип кемдер бышылдаған кеүек.
Ә аҡсаны нисек эшләргә һуң? Ә уның юлдары бар. Әйтәйек, эш­ҡыуар­ҙар өҫтөнән шефлыҡ алаһың да уларҙы һа­уып тик ятаһың! Һәр төрлө тикше­реү­селәрҙән яҡ­ла­ған өсөн тегеләр ке­ҫәң­­де байыта. Шәп бит! Полиция хеҙ­­мәткәре шулай итә лә. Үҙенең эскер­һеҙ ярҙамы өсөн, бер байҙан 700 мең һум һорай. Тегеһе ризалаша, әммә был хәтәр хәл хаҡында тейешле органдарға еткерә. Йылғыр әҙәм­гә хәҙер үҙ ҡылығы өсөн яуап би­рергә тура килә, эшенән дә ҡолаҡ ҡаға.
Ә хәҙер эске тауышы уға, ниңә законды боҙҙоң, дәрәжәле, аҡсалы урын­да эшләп тик йөрөһәң булмай инеме ни, тип тынғы бирмәй икән.

Өлгөр ТИКТОРМАҪОВ.

Диана Латипова һүрәте.