Беткә үс итеп

– Улары ла хөрмәтле профес­сорҙарҙың лекцияларын тыңларға килмәйҙер бит?
– Юҡ, был бөжәктәр белем алырға тырышҡан студенттарҙың ҡанын эсә.
– Бәй, беҙ студент саҡта ҡанды уҫал уҡытыусылар ғына эсә ине. Ә ул бет, ҡандалалар медицина университетына нисек килеп эләккән һуң, иң таҙа урын ошонда булырға тейеш түгелме?
– Ишғәле, ҡыҙыҡ һорау бирәһең. Әлбиттә, студенттар йәшәгән ятаҡтан. “Роспотребнадзор” университет етәкселегенә юҡҡа ғына иҫкәртеү яһамаған. Хәлде төҙәтеүҙе талап иткән. Студенттарҙың ата-әсәләре хатта республика башлы­ғына ла зарланған. Тик ғәжәп, университет етәкселәре генә, күпме генә эҙләп ҡарамаһындар, беттәрҙе тапмай икән. Ундай дошмандың беҙҙә булғаны юҡ, тип кенә ҡуялар, тиҙәр.
– Ҡыҙыҡ та, ҡыҙғаныс та. Тәртип, таҙалыҡ өлгөһө булырға тейешле уҡыу йортонда шундай тәртип­һеҙлектәр булһынсы әле. Беткә үс итеп уҡыуҙарын ташлап ҡуймаһын студенттар. Белем алыу урынына тырнанып ултырыуы һис тә еңел түгелдер!

Кәкре Бөкриев.