"Уңышлы" ритуал

Ярҙамға өмөтләнгән ҡатын аҡсаны мутлашыусыларға күсерә.

Тиҙҙән күрәҙәсе үҙе пенсионерға шылтыратып, уға зыян килтерелгәнен хәбәр итә. Ул боҙомдо бөтөрөү өсөн махсус ритуал кәрәк, тип ышандыра, бының өсөн 120 мең һум аҡса һорай.

Күрәҙәсенең ялған ярҙамсылары, ритуалдан һуң аҡсаны кире ҡайтарабыҙ, тип ышандыра. Шуға ла ҡатын таныштарынан аҡса алып, 120 мең һумды мутлашыусыларға күсерә.

Һуңыраҡ "күрәҙәсе" тағы шылтыратып, боҙом көслө, 350 мең һумлыҡ өҫтәмә ритуал кәрәк, тип белдерә. Пенсионер, унсама аҡсам юҡ, тигәс, күрәҙәсе уны аҡса табырға өгөтләй башлай. Ҡатын кәрәкле сумманы тағы ла таныштарынан бурысҡа алып, мутлашыусының иҫәбенә ебәрә.

Тиҙҙән күрәҙәсе, боҙом юҡҡа сыҡмаған, ритуалды тамамлау өсөн бер миллион һумлыҡ атрибут кәрәк, компания хаҡтың яртыһын түләйәсәк, пенсионерға ҡалған өлөшөн генә индерергә кәрәк буласаҡ, ти. Үҙ ғүмере өсөн ҡурҡҡан ҡатын енәйәтселәргә йәнә аҡса һала.

"Уңышлы" ритуалдан һуң күрәҙәсе ҡатынға процедураны бер нисә айҙан ҡабатларға кәңәш итә, ритуал атрибуттары өсөн аҡсаны кире ҡайтарыу процедураһы тураһында һөйләшергә ярҙамсыһы менән бәйләнешкә инергә ҡуша. Ярҙамсы сумманы кире ҡайтарыу өсөн банкка процент түләргә кәрәклеген аңлата. Пенсионер процент аҡсаһын түләгәс, ярҙамсы, иҫәбегеҙҙә мутлашыу асыҡланғанлыҡтан, сумма килеп етмәгән, тип белдерә. Пенсионерға уның эше буйынса инкассацияға 200 мең һумдан ашыу түләргә кәрәклеге тураһында хәбәр итәләр. Бахыр ҡатын таныштарынан тағы аҡса алып, муттарға ебәрә.

Бер аҙҙан мутлашыусылар уға аҡсаһын кире ҡайтарыу өсөн ҙур сумма түләргә кәрәклеген белдерә. Әммә ҡатын был хәлде әхирәтенә һөйләп биргәс, уныһы, был - муттар эше, тип аңлата. Шиккә ҡалған пенсионер аферистарҙың шылтыратыуҙарына яуап бирмәгәс, яуыздар уға ҡарата енәйәт эшен ҡуҙғатыу менән янарға тотона. Шунан һуң ғына ҡатын полицияға мөрәжәғәт итә.

Дуҫтар! Күрәҙәселәрҙең ярҙамы һеҙҙе ысын ауырыуҙарҙан һәм проблемаларҙан ҡотҡара алмай. Юғары көстәр менән бәйләнешкә инеү һәләтенә ышандырған кешеләргә аҡса күсермәгеҙ. Хәтерегеҙҙә тотоғоҙ: бындай кешеләрҙең күбеһе - ауыр хәлдә ҡалған кешеләрҙең көсһөҙлөгөнән файҙаланған мутлашыусылар. Улар мөғжизәле дауалау йәки тормош шарттарын яҡшыртыу вәғәҙә итә ала, әммә ысынында барыһы ла алдаҡ. Кәңәш һәм ярҙам өсөн квалификациялы белгестәргә мөрәжәғәт итеү яҡшыраҡ. Үҙ һаулығығыҙ тураһында ҡайғыртығыҙ һәм тикшерелгән ысулдарға һәм мәғлүмәт сығанаҡтарына ғына ышанығыҙ. Башҡортостан Республикаһы буйынса Эске эштәр министрлығының матбуғат хеҙмәте.

Фото: izvestiaur.ru

https://ye102.ru/articles/ya-yly-tar-ta-ma-y-netu/2025-01-29/k-r-sene-he-m-te-biger-k-yybat-ik-n-4101734