-6 °С
Болотло
Бөтә яңылыҡтар
Ғәләмәт бит
15 Декабрь 2025, 12:15
Үәт, исмаһам, әс-ә-әй...
Өфөнөң Инорс микрорайонында подъезд камераһына ошондай яҙма эләккән. Унда бер ҡатын үҙенең улын мыҫҡыл итә, йәмһеҙ итеп һүгенә, йәберләй. Сана менән урамға шыуырға сыҡҡан әсәйҙән сабый саҡ ҡына тағы ла йөрөргә теләген белдергән икән, ләкин яуапҡа ҡатындан тик әшәке һүҙҙәр, мыҫҡыллауҙар ишетә. Былай ҙа ҡото осҡан малай, етмәһә, әсәһенең һыраһын төшөрөп ебәрә.
Үәт, исмаһам, әс-ә-әй...
Ҡатын улына бынан һуң, бер ҡасан да урамға сыҡмаясаҡ, уның телефонын тартып аласаҡ һәм ғөмүмән ул Яңы йыл тураһында бөтөнләй оноторға мөмкин, тип ҡысҡыра, һуға. – Хайуан. – Мин һине күрә алмайым. – Тауышың ғына сыҡһын... – был әле уның үҙенең балаһына әйтелгән иң йомшаҡ һүҙҙәре. Йортта йәшәүселәр ҡатынды таныған, улар әйтеүенсә, ул йыш ҡына спиртлы эсемлектәр ҡуллана һәм балаһын йәберләй икән. Башҡортостан республикаһы буйынса Эске эштәр министрлығы хеҙмәткәрҙәре урында булған ваҡиғаның барлыҡ хәл-шарттарын асыҡлай. Тикшереү комитеты енәйәт эше ҡуҙғатҡан.
Новости партнеров