«Йәйен ҡар яумай!»: Баш ҡалалағы бурандар һәм дворник ағайҙың оптимизмы

Бөгөн, 4 февраль, Өфө тағы ла ҡар ҡоршауында ҡалды. Кисәнән башланған яуым-төшөм туҡтарға уйламай ҙа: коммуналь хеҙмәттәр төнгө сменанан бирле эшләһә лә, тәбиғәт үҙенекен итә — юлдарҙы һәм ихаталарҙы күҙ асып йомғансы аҡ юрған ҡаплай.

Ләкин ошо ауыр хеҙмәттең үҙ геройҙары бар. Күптәр әле татлы йоҡола булғанда, таңғы сәғәт биштән үк ихаталарҙа көрәк тауыштары ишетелә башлай. Бына, мәҫәлән, минең таныш дворник ағайым. Ул бөгөн таңғы алтынсы яртыла инде эш урынында ине. Иртәнге сәғәт һигеҙгә тиклем ул өс биләмәне ҡарҙан таҙартып өлгөргән!

Был уның төп эше түгел, ваҡыты булғанда ғына сығып эшләп ала. «Ниңә шул тиклем ауыр хеҙмәтте һайланың, икенсерәк эш тапмайһыңмы?» — тип һорағанға, ул йылмайып ҡына яуап бирҙе: «Дворник эшендә бер ҙур уңайлыҡ бар — йәйен ҡар яумай!»

Ысынлап та, ҡышҡы бурандар ваҡытлыса ғына. Дворник ағайҙың ныҡлы рухы һәм ошо иртәнге хеҙмәте арҡаһында беҙ бөгөн ихаталарҙан үтә алабыҙ.

Бөгөнгө һауа торошо:
Өфөлә бөгөн көнө буйы ҡар яуыуы көтөлә. Һауа температураһы -5...-7 градус тирәһе, елле. Юлдарҙа һаҡ булығыҙ, ә урамда көрәк тотҡан дворниктарҙы күрһәгеҙ — йылы һүҙегеҙҙе йәлләмәгеҙ. Уларҙың «ҡарһыҙ йәйе» әле алда, әлегә иһә — эш ҡайнай!