+7 °С
Болотло
Бөтә яңылыҡтар
Ғәләмәт бит
31 Март , 10:50
“Моргтан шылтыратабыҙ...”
Рәсәй эске эштәр министрлығында хәрбиҙәрҙең туғандарын алдауҙың яңы схемаһы хаҡында киҫәттеләр. Аферистарҙың, кем әйтмешләй, Аллаһы һәм муллаһы юҡ, намыҫ төшөнсәһе ят. Һуңғы ваҡыттарҙа морг хеҙмәткәрҙәре ҡиәфәтендә шылтырата һәм кешеләргә яҡындарының үлеме тураһында хәбәр итә башлағандар. Һуңынан шәхси әйберҙәрҙе тапшырыу һылтаныуы менән почта индексын атауҙы һәм смстан кодты һорайҙар.
“Моргтан шылтыратабыҙ...”
Был схеманы һәләк булыусыларҙың йәки хәбәрһеҙ юғалғандарҙың туғандарын, шулай уҡ хәрәкәт биләмәһендә яҡындары менән элемтәне юғалтырға мөмкин булғандарҙы алдау өсөн ҡулланалар.
Эске эштәр министрлығы киҫәтә: медицина учреждениелары хеҙмәткәрҙәре бер ваҡытта да код һорамай. Рәсми мәғлүмәт сығанаҡтарына ғына ышанырға мөмкин. Билдәһеҙ заттарға шәхси мәғлүмәттәрҙе һәм раҫлау кодтарын хәбәр итмәгеҙ.
Р. Тажиева
Новости партнеров