+18 °С
Болотло
Бөтә яңылыҡтар
Юмореска
16 Ғинуар 2023, 14:00

Булманы инде

(Юмореска) Гәзиттән эшкә саҡырыу тураһында иғланды уҡығас, бәхетемде һынап ҡарарға булдым. Өйҙә эшһеҙ ятып булмай бит. Иң кәрәкле ҡағыҙҙарымды алып, гәзиттәге иғлан буйынса эшкә урынлашырға булдым.

Булманы инде
Булманы инде

Ҡапҡа төбөндә һаҡлап торған ҡарауылсынан рөхсәт алып, эскә үттем. Һәм, бер аҙҙан бисмилламды уҡып, етәксенең кабинетын шаҡыным.
– Да, инегеҙ!
– Һаумыһығыҙ! Мөмкинме? – тип иҫәнләштем, тартынып ҡына.
– Һау әле. Әйҙә үт, ни йомош?
– Эш мәсьәләһе менән, иғлан буйынса килгәйнем.
– Ҡайҙа документтарығыҙ?
Үҙем менән булғандарын уға һуҙҙым.
Директор, дипломымды ҡулдарында әйләндергеләне лә, һорау бирҙе.
– Спорт менән шөғөлләнәһеңме?
– Эйе. Шахмат уйнайым, ауыр атлетиканы ла үҙ итәм.
– Яҡшы. Ә үҙешмәкәр сәнғәткә ваҡытың ҡаламы һуң?
– Ҡала! Кәрәк икән шиғыр уҡыйым, халыҡ театрында ҡатнашам. Фортепианола уйнайым. Йырлайым.
– Афарин! Егет түгел, алтын бары тик. Хоббиларың да бармы?
– Бар. Мәҡәләләр яҙам, район, республика баҫмаларына. Хикәйәләр ижад итәм. Һунарға, балыҡҡа йөрөйөм.
– Һай, маладис! Вис һөйләп бирҙең, етмәһә, ысын күңелдән. Беләһеңме, ҡустым, был ҡәҙәр һөнәрҙәрең менән беҙҙең фирмала эшләй алмаҫһың, дөрөҫөрәге, ваҡытың етмәҫ. Шулай булғас, һиңә эш урыны юҡ, тип әйтәм, асыуланып, үпкәләп ҡалма, – тине етәксе.
Ә миңә, башты түбән эйеп, ғәфү үтенеп, һаубуллашып сығып китеүҙән башҡа сара ҡалманы.
Бына һиңә иғлан, бына һиңә эш, исмаһам, йәмәғәт. Булманы инде...

Авторы билдәһеҙ.

https://iuruzan.ru/articles/2021-04-10/bulmany-inde-yumoreska-2291613

Автор:
Читайте нас: