– Тик бер мең генә.
– Һеҙ мине тағы ла аңламанығыҙ. Нимәгә зарланаһығыҙ тип һорайым.
– Түләү ныҡ ҡиммәт.
Осоноу
Урынлы-урынһыҙ осонған кешеләр ғүмер юлымда күп осраны.
Элекке эштәге танышым да урынһыҙ осондо. Ул мине үҙен травмпунктҡа алып барыуҙы үтенде – аяғындағы гипсты һалдырырға кәрәк ине. Барҙыҡ, коридорҙа уның сыҡҡанын көтөп ултырам. Бына ул ҡояштай балҡып кабинеттан килеп сыҡты. Ниһайәт, әҙәмсә йөрөй аласаҡ! Ике ай буйы гипс һөйрәп йөрөнө. Шатлығынан һикерҙе, һауала үксәләрен бер-береһенә һуғып алды. Төшкәндә кафелгә тайып йығылып ҡулын һындырҙы...
Кабинетҡа сиратһыҙ үткәрҙеләр.
Быймалар
Балалар стоматологияһы клиникаһы янындағы туҡталышта торам. Клиниканан дүрт йәшлек ҡыҙын күтәргән ир сыҡты. Ҡыҙ аҡырып илай, атаһынының тынысландырырға теләүенә иғтибар ҙа итмәй.
– Бөттө, бөттө, ҡәҙерлем. Башҡаса докторға бармайбыҙ, тештәрең ауыртмай. Ниңә юҡҡа илайһың?
Шунда ҡыҙ ҙа, илауынан туҡтап, телгә килде:
– Бы-ы-ймаларҙы онотто-о-оҡ!
Туҡталыштағы халыҡ йығылып ятып көлдө.
Т. ДӘМИНДӘРОВ.
Ҡайһы ерең ауырта
Табип – пациентҡа:
– Хәмерҙе ауыҙығыҙға ла алмағыҙ, саф һауала күберәк йөрөгөҙ, иртән зарядка яһағыҙ, көнөнә бер генә сигарет тартығыҙ.
Бер айҙан һуң пациент табипҡа күренергә килә. Табип:
– Мин әйткәндәрҙе үтәнегеҙме?
– Береһенән башҡа бөтәһен дә. Минең йәштә тартырға өйрәнеү ҡыйын.
***
География уҡытыусыһы табипҡа килә.
– Ҡайһы ерең ауырта? – тип һорай тегеһе.
– Аяғым.
– Ҡайһы ерҙән?
– Балтырҙан төньяҡ-көнсығышҡа табан.
Фото: www.youtube.com