Беҙҙең ауыл мәҙәктәре

– Ҙурыраҡ түгелме һуң был? – тип ҡуя Әхмәт ағай.
– Булһа ни, – тип ҡуя Усман ағай, тыныс ҡына.
– Һалҡыныраҡ булмаҫмы, тим?
– Бына нәмә, Әхмәт ағай, ошо йәшкә етеп, мунсала өшөп үлгән кеше тураһында ишеткәнем булманы, – тип яуаплаған Усман ағай.

Авиация заводы

Азамат ағай малайы Рамазан­ға өй һалғанда пилорамала таҡта ярҙырып ала. Бер нисә таҡтаһы ҡалтайып та өлгөргән. Колхоз рә­йесе быны күрә лә, таҡта ярыу­сыға барып, һәр ваҡыт­тағыса ҡы­ҙыу-ҡыҙыу ғына:
– Азамат ағайың вертолёт та, самолёт та төҙөмәй, буғай. Шулай булғас, уларға пропеллер кәрәк түгел. Уларға верандаға таҡта кәрәк! – ти.

Ебәрергә кәрәк

Һөтсөлөк фермаһында һауыу аппараттарын көйләү, рәтләү, төҙәтеү буйынса ауылда унлаған бригада бар. Район буйынса таралып, машина менән төрлө яҡтарға йөрөп эшләйҙәр. Ошондай бригаданың береһендә өсәү: Заһит ағай, Вәхит ағай һәм Заур ағай. Бер заман былар ҡайһылыр ауылдан офисҡа шылтырата.
– Машинаның моторы шаҡыл­даны, алып ҡайтыу өсөн трактор ебәрегеҙ!
Баш механик рәйес янына инә. Рәйес бер аҙ уйланып тора ла:
– Өсөһө лә ҡолаҡҡа ҡатыраҡ, уларға ла ишетелгәс, шаҡыл­дағандыр инде. Трактор ебәрер­гә кәрәк булыр, – ти.

Йыртыҡтан тишек көлә

– Нәмә, эт таланымы әллә? – ти Шалин ағай Хәйҙәргә, теге­нең йыртыҡ көпөһөнә төртөп.
– Эт талар инде ул, ана һине кисә һөйрәтеп тә ҡайтҡандар, тип ишеткәйнем, – ти Хәйҙәр, Шалин ағайҙың бысраҡ фуфай­каһына күрһәтеп.

Прапорщик

– Беләһеңме, прапорщик Закиров нимә эшләгән?
– Ни эшләгән?
– «Көнө буйына бер минут та ултырып торманым», – тип зар­ланған ҡатынын ике йөҙ тапҡыр ултыртырға һәм торорға мәжбүр иткән.

Нурулла МИҺРАНОВ.