Ревизор

–Ишетһәң шул: хәҙер үк биҙрә-һеперткеңде ал да эшеңә тотон. Бер генә тәмәке төпсөгө лә ҡуҡырайып ятма­һын!..
Ашығыс рәүештә киномеханик Ғәләүҙе саҡыртты мөдир:
– Ҡояш сыҡҡанға биш былтыр, ә һин әле булһа йоҡо туй­ҙы­раһың! – тип ябырылды уға. – Ана, будкаға күҙ һал! Чистый ҡиәмәт бит!..
Китапханасы Мөниргә лә яҡшы ғына эләкте:
– Һин дә, әйтер инем!.. Һыу­ға төшкән тауыҡ шикелле!.. Ана китаптарыңды тәртипкә килтер! Өйөлөп ятмаһындар! Тәпене хәҙер үк ҡороп ҡуй, ревизор ип­тәш сысҡандарға ҡаршы көрәш алып барыу­ыбыҙҙы үҙ күҙҙәре менән күреп китһен!..
Тейешле бойороҡ-күрһәтмә­ләр биреп бөтөрөлгәс, Ғәббәс йән-фарман өйөнә сапты:
– Ҡатын!.. Өлкәнән кеше килә. Ҙур кеше. Ревизор! Ҡа­ра уны, һы­­натаһы булма: баҙға төшөп мен, кибеткә сығып кер... Ҡыҫ­ҡаһы, өҫтәл балҡып торһон!..
Ғәббәс шашынған нервыларын бер стакан һыу менән тыныс­лан­дырҙы ла, яңынан клубҡа сапты.
Сәғәт ярым ваҡыт уҙыуға клуб янына дәү генә бер машина килеп туҡтаны. Мотор тауышын ишетеп, Ғәббәс тәҙ­рәгә ташланды... һәм ғәжәп­ләнеүенән телһеҙ ҡалды. Ишек төбөндә байрамса ке­йенгән кешеләр ҡайнаша, ә машина һыртында “Н.В. Гоголь – “Ревизор” тигән афиша тир­бәлә ине....

Вахит МОНАСИПОВ.