+8 °С
Болотло
Бөтә яңылыҡтар
Йөҙ йыллыҡты ҡаршылап...
22 Сентябрь 2025, 10:45
Шәйехзада Бабич "Тешһеҙ ҡыҙ"
Барып мин бер көн баҡсаға керһәм,Бороп мыйыҡты, арлы-бирле йөрөһәм,Күҙем төштмәҫме шунда бер туташҡа,Бите ап-аҡ, һыҙылған ҡара ҡашҡа? Белгем килде: был ҡыҙмы, ҡатынмы?Тинем мин: "Иҫәнме, һаумы, аҡыллым!"Боролоп ҡараны, көлөп күҙемә.Тик яуап бирмәне әйткән һүҙемә.
Шәйехзада Бабич "Тешһеҙ ҡыҙ"
Тағы әйттем: - "Туташ, ник дәшмәйһегеҙ?
Хоҙа биргән ауыҙҙы асмайһығыҙ?"
Тағы әйләнем ҡараны туташым,
Үҙе өндәшмәй - тамам ҡаңғырҙы башым.
Уйланым мин уны телһеҙ икән, тип,
Ғажиз булдым, тағы нишләйем икән, тип
Ишара иткәйнем ултырырға,
Тотондо бит туташым ҡоторорға:
- "Ниңә шин мине мышҡыл итәшең,
Улай булша, минең яндан китәшең!.."
Асыуланып, ауыҙын асһа йәнем -
Ике алғы теше юҡ икән уның!
Сәселә төкөрөгө тешһеҙ ауыҙҙың,
Һорағым килмәне исемен яуыздың,
"Асыуланма, - тинем, - һәм көлмәнем мин,
Һинең тешһеҙлегеңде белмәнем мин".
Йомоп йөрөү менән шулай ауыҙҙын,
Теш сығыр тип уйлай, ахыры, яуызың.
Ҡаш һыҙҙыртҡан, ҡалын яҡҡан пудраһын.
Тик онотҡан алғы тештәр ҡуйҙыраһын!
1916
Новости партнеров