Урал Килсенбаев «Урал батыр» эпосы буйынса челлендж башлап ебәрҙе

«Был өҙөк миңә айырыуса яҡын булып тойолдо. Һәм мин яңы «челлендж башлайым! Социаль селтәрҙәрҙә мәҙәни байлығыбыҙҙы популярлаштырыу һәм уның ысын матурлығын күрһәтеү өсөн был яҡшы мөмкинлек, – тип билдәләне Урал Килсенбаев. – Һеҙ эпостың үҙегеҙгә оҡшаған өҙөгөн алып уҡый алаһығыҙ».
Урал Таһир улы ҡатнашыу шарттарын билдәләне:
«Урал батыр» эпосынан өҙөк уҡып, ҡыҫҡа видео төшөрөргә,
уны #Уралбатырхәтирәһе хештегы менән «Бәйләнештә»ге сәхифәңә һалырға, эстафетаны өс ҡатнашыусыға тапшырырға.

Урал Килсенбаев үҙенең челленджын Рәсәйҙең Дәүләт Думаһы депутаты Эльвира Айытҡоловаға, Үзбәкстан Республикаһында ЗәкиВәлиди исемендәге башҡорт мәҙәниәте үҙәге рәйесе Ринат Гуляевҡа, Башҡортостандың халыҡ артисы, «AY YOLA» төркөмө солисы Ринат Рамаҙановҡа һәм башҡорт шағиры, әҙәби тәнҡитсе һәм журналист Азамат Юлдашбаевҡа тапшырҙы.