+21 °С
Облачно
Иҫтәлекле көндәр
11 Августа , 16:00
Ысын күңел байрамы
Ошо көндәрҙә “Түрә хан” визит-үҙәгендә Башҡортостан Республикаһының халыҡ яҙыусыһы, Рәсәй журналистикаһы легендаһы, 30 йыл дауамында “Һәнәк” журналын етәкләгән Һәнәк ағай – Мар. Сәлим менән йәнле осрашыу үтте.
Ысын күңел байрамы
Сарала ҡатнашыусылар “Халыҡ юморисының Түрә ханға юлы” тарихи-әҙәби туристик маршрут менән таныштылар. Тамашасыларҙы журналистика легендаһының Сәйфи Ҡудаш, Мостай Кәрим, Әхәт Уразмәтов-Кәтүк кеүек арҙаҡлы шәхестәр менән яҡындан таныш булыуы һәм улар менән “йәнле” һөйләшеүе һоҡландырҙы. Мәртәбәле ҡунаҡтар барыһы ла Мар.Сәлимде йылы һәм ихлас һөйөү менән ҡаршы алды, сөнки уның ижадын бер нисә быуын белә һәм юғары баһалай.
Шишмә районы хакимиәте башлығының беренсе урынбаҫары Эрнес Кәримов Марсель Шәйнур улына «Шишмә – яҡты шишмәләр төбәге» энциклопедияһын тапшырҙы һәм уға яңы ижади еңеүҙәр теләне.
Был уникаль хәйриә патриотик-юмористик сараны Шишмә районы һәм Өфө ҡалаһы хакимиәттәре ярҙамында Евразия күсмә цивилизациялар музейы ойошторҙо.
Социаль селтәрҙә СССР-ҙың мәғариф отличнигы, 1998-2004 йылдарҙа Башҡортостандың мәғариф министры булып эшләгән Ғәлиә Мөхәмәтйәнова былай тип яҙған: “Беҙ һаман да ысын күңел байрамы тәьҫире аҫтында! Марсель Сәлимов – ғәжәп Кеше, Шағир, Яҙыусы һәм Журналист! Күптән инде уның һымаҡ кешеләр менән осрашып аралашыуҙан шундай ләззәт, һоҡланыу тойғоһо кисергән юҡ ине. Залда мөхәббәт, берҙәмлек, изгелек атмосфераһы хөкөм һөрҙө. Халыҡ яҙыусыһынан һәм легендар журналистан йылы энергия менән юмор ағымы урғыла, беҙ был матур ижад донъяһында уның талантына ҡойондоҡ. Ойоштороусыларға ошондай шиғри зиннәтле бүләк өсөн ихлас рәхмәтлебеҙ!”
Әйткәндәй, был хаҡта республика матбуғат сараларынан да, Мәскәүҙәге Рәсәй Яҙыусылар һәм Журналистар союздары сайттарынан да уҡырға мөмкин:
https://www.rospisatel.ru/sobytija2026/163.html
