-6 °С
Болотло
75 лет Победы
Бөтә яңылыҡтар
Төрлөһөнән
25 Ғинуар , 18:25

Ҡыҙыл тефтели

Кистәрен нимә бешерергә тип баш ватаһығыҙмы? Әйҙәгеҙ, бергәләп сөгөлдөр менән тефтели әҙерләп ҡарайыҡ әле! Рецебына ҡарағанда, бик тәмле килеп сыҡмаҡсы.

Ҡыҙыл тефтели
Ҡыҙыл тефтели
Тәүҙә был аҙыҡты әҙерләү өсөн кәрәкле ингредиенттарҙы әҙерләйбеҙ:
Һыйыр ите – 400 грамм
Сөгөлдөр – 300 грамм
Көнбағыш майы – 4 аш ҡалағы
Башлы һуған – бер дана
Кишер – бер дана
Томат пастаһы – бер аш ҡалағы
Һыу – 300 миллилитр
Тоҙ, борос кәрәгенсә.
Итте ваҡлап турайбыҙ йә әҙер фарш алабыҙ. Сөгөлдөрҙө таҙартып киҫәбеҙ ҙә ит турағыс аша үткәрәбеҙ. Фаршҡа тоҙ, борос сөгөлдөрҙөң яртыһын ҡушып бергә баҫҡас, бәләкәсерәк итеп тефтели эшләйбеҙ. Артабан табаға көнбағыш майы һалып, көслө утта уларҙы ныҡлап ҡыҙҙырып алабыҙ. Әҙер тефтелиҙы тәрилкәгә һалып ҡуйып торабыҙ.
Соус өсөн кишер менән һуғанды ваҡлап турайбыҙ, ҡалған сөгөлдөрҙө ҡушып, көнбағыш майында ҡыҙҙырабыҙ. Артабан томат пастаһы һалабыҙ ҙа ҡайнаған һыу ҡушып соусты бер аҙ утта тотабыҙ. Алдан әҙерләгән тефтелиҙы шунда теҙәбеҙ һәм ҡапҡасын ябып 25-30 минут тирәһе бешерәһе генә ҡала.
Ашығыҙ тәмле булһын!
Автор:Дилара Арсаева
Читайте нас в