Беләһегеҙме?

Баҡтиһәң, ялған документтарҙың сифаты бик һәйбәт булһа ла, тап бына немец сифаты уларҙы төп башына ул­тыртҡан да инде. Немец скрепкалары тутыҡмаған! Ә беҙҙең документтарҙа бер нисә көндән һуң уҡ тутыҡ скрепкаларҙан һары тап барлыҡҡа килгән.
***
Беҙҙең разведчиктар бер нин­дәй проблемаһыҙ «тел» алған. Был немецтарҙың сәменә тейгән, улар уяулыҡты арттырыу өсөн сәнскеле тимер сыбыҡтарға консерва банкалары тағып сыҡҡан. Беҙҙекеләр ҙә юғалып ҡалмаған, тимер сыбыҡҡа бау бәйләгәндәр ҙә кистән уны тартырға тотон­ғандар. Немецтар борсола, йүге­решә, ата, ә беҙҙекеләр окоп­тарҙа ауыҙ йырып ултыра. Төнгө өскә тиклем немецтарҙы интек­терәләр. Тегеләр иғтибар итмәй башлағас, беҙҙекеләр улар яғына еңел генә үтеп, яңынан «тел» алып ҡайтҡан.
***
Немец пехотаһының тотош ике батареяһы 1941 йылдың 25 ию­нендә Мельники янында ҡама­лыш­тан сыҡҡан совет яугирҙары тарафынан ҡул һуғышында юҡ ителгән.
***
Бөйөк Ватан һуғышы йылдарында яуҙарҙа аттар ғына түгел, дөйәләр ҙә ҡатнашҡан. Яшка ҡу­шаматлыһы хатта Берлинға тиклем барып еткән.
***
Немецтарҙың «Шторх» тибын­дағы түбәндән осҡан самолеты кемдер ерҙән ни булһа ла булыр тип ырғытҡан гранатанан шарт­лаған.
***
Немецтарҙы яуыздар тип күҙ алдына килтерһәләр ҙә, улар беҙҙекеләргә ҡушылып бер мәл атышыуҙы туҡтатҡан, сөнки көт­мәгәндә улар араһынан ҡуян йүгереп үткән дә тәпәйе менән йөнө ҡойолоп бөткән ҡабырғаһын ҡашырға тотонған.
***
Сталинград яуы ветерандары төндә беҙҙекеләрҙән немецтарға һәм киреһенсә йөрөүсе бесәй тураһында һөйләгән. Уны һал­даттар һыйлаған, сөнки беҙҙең яҡта ла, немецтарҙа ла йәнлек­тәрҙе яратыусылар табылған. Ҡот осҡос һуғыш барғанда бе­сәй ашатыуҙы күҙ алдына килтереп ҡарағыҙ.
***
Гитлер Юрий Левитандың башына 250 мең марка билдәләгән. СССР властары уны Сталиндың үҙенә ҡарағанда нығыраҡ һаҡ­ла­ған.

Факил МЫРҘАҠАЕВ әҙерләне.