ҺӘНӘК йондоҙнамәһе

Ләпелдәргә яратыуҙары үҙҙәре Игеҙәктәр булмағандарҙы таң ҡалдыра. Яндарындағы кешеләр тыңлаймы, юҡмы – быныһы мөһим түгел, сәғәттәр буйы һөйләргә һә­ләтлеләр. Игеҙәктәр хатта үҙҙәре­нең йыназаларына килеүселәргә лә табутынан тороп, һуштарынан яҙып йығылыусыларға Ғазраил хаҡында көләмәс һөйләр һымаҡ.
Ялҡаулыҡтары һөйләү оҫта­лыҡтарынан ҡалышмай. Ниндәй­ҙер теманың төбөнә тоҙ ҡойорға, уны оҙаҡлап өйрәнергә теләмә­гәнлектән, теге йәки был күре­неште өҙөп-йолҡоп өҫтән-мөҫтән генә һүрәтләйҙәр. Уларға хас һөнәр – ҡыл да ҡыбырлатмайынса күҙ асып йомған арала миллиондар эшләү. Эйе, аҡса Игеҙәктәргә шул тиклем күп кәрәк, сөнки уны телефондан бытылдағандай еңел һәм иркен туҙҙыралар.

ЮЛАМАН.