Шаян Шәүәли

Шефтары шәйләмәгәндә шымтаңлап шабашкаға шылып, шешәләге шыйыҡ­саны шыйыҡлап шыуҡылдатып, шәпләнеп шаршыла шамбы шаңҡытып, шөҡәтһеҙләнделәр. Шефтары шифаханала шифаланғанда, Шамайыл шырлығында шәмдәй шыршыларҙан Шәүәлиҙең Шакшалағы шәкерттәше Шәрифйәнгә шикарный шалаш шапылдаттылар. Шәпәү шылдырған шығырҙаҡ «шиллингтар»ҙан Шәүәлиҙәре шыпа ла шашты. Шыл­тырауыҡ шишмәнең шарлауығы шымарып шыҡы­йыр-шыҡыймаҫтан шалапай Шәүәли шарылдаҡ Шәр­ғиәне, шытыр шаҙраһын да шәйләмәй, шылғаяҡ­та шыуҙырҙы. Шәрғиәнең, шаян Шәүәлиҙең шат шарҡылдауынан, шаярыуынан шаңдау Шамайылғаса шаңғырҙы. Шәүәлиҙең шағирлығы! Шаҙраһына шундай шәп шиғырҙар шәлкеме шылдырып, шыуҙырҙы-шыуҙырҙы ла шымтаңлап шәһәргә шылды. Шылыр­һың шылмай ҙа: шөрләттеләр, шөрләттеләр шыршы­сыларҙы. Шәүәли шаңҡыған шамбылай шапылданы, шикләнеп шөбһәләнде. Шәүәли шутник шунан шымды: шабашкаға шылмай, Шәрғиәне шәмәртмәй, шешәне шыпа ла шәйләмәй.
Шулай шул!

Айһылыу БАЙБАКТИНА.