+15 °С
Облачно
Төрлөһөнән
9 Декабря 2022, 09:00
Һөмһөҙләнеү
Юлда йыш йөрөгәс, төрлө хәлдәргә юлығаһың. Шуларҙың береһен, элек булғанын, бәйән итмәксемен.Күрше райондан ҡайтып киләм. Тиҙлекте арттырған өсөн гаишниктар туҡтатты. Быларҙың ҡулынан нисек иҫән-аман ҡотолорға?– Сержант Фәләнов, документтарығыҙ?
Һөмһөҙләнеү
– Ә һеҙҙеке?
Күрһәтә. Мин дә сығарҙым.
– Һеҙ тиҙлекте арттырҙығыҙ.
– Арттырманым.
Прибор күрһәтә.
– Приборға рөхсәтегеҙ бармы?
– Бар.
– Күрһәтегеҙ әле.
Асыуынан шартларға етешкән мент миңә ниндәйҙер сәйер ҡағыҙҙың күсермәһен һона. Йөҙөмә ғәжәпләнеү билдәләре сығарып һорайым:
– Был нимә?
– Ошо приборҙы файҙаланыу өсөн рөхсәт.
– Беләһегеҙме, – тим тегеңә, – әгәр мин право йәки техпаспорттың күсермәләре менән руль артына ултырһам, алыҫ китә аламмы?
– Юҡ.
Шунда әңгәмәгә йәнә ике мент килеп ҡушылды. Улар ун минут буйына мине үҙҙәренең хаҡлы икәнлегенә ышандырырға тырышты. Һүҙ көрәштереп арынылар булһа кәрәк, ниһайәт, ебәрҙеләр.
Үҙ алдыма йылмая-йылмая юлымды дауам итәм. Күпмелер ваҡыттан һуң тағы туҡтаттылар. Ауыл урамынан сәғәтенә 90 километр тиҙлек менән үткәйнем. Ер аҫтынан ҡалҡып сыҡтымы ни, мент пәйҙә булды. Ауыҙын ҡолаҡтарына ҡәҙәр йырып машинаһына саҡырҙы. Бер ни эшләр хәл юҡ, инеп ултырҙым. Радар менән ноутбук тора, миңә видеоһүрәт күрһәтәләр. Башымды иҫәргә һалып, приборығыҙға рөхсәт бармы, тип һораным.
– Бар!
– Күрһәтегеҙ әле.
Ул документтың төп нөсхәһен килтереп сығарҙы. Эләктем былай булғас! 30 километр артыҡ... Ҡиммәткә төшәсәк... Ҡапыл башыма бик шәп фекер килде:
– Ноутбуктың программаһы лицензияланғанмы?
– ???
Ике күҙе дүрткә әйләнгән мент һүҙһеҙ генә документтарымды кире ҡайтарҙы.
Бер сәғәттән өйҙә инем инде.
А. ЙОМАҒОЛОВ.
