Помидор ҡар һыуын ярата

Тәҙрә төптәрегеҙҙә, матур ғына итеп йәшелләнеп, йәшелсә, сәскә үҫентеләрегеҙ гөрләп үҫәлер инде. Ниһайәт, көндәр ҙә оҙонайҙы, ҡояш та күренде. Уларға үҫеү өсөн тейешле шарттар ҙа тыуҙы.

Добавить в предпочтительные источники Google

Помидор үҫентеһе 18 – 25 градус йылылыҡта үҫә. Температураны түбән төшөрһәгеҙ, ул төрлө сиргә бирешә. Уға иртәнсәк бүлмә температураһындағы һыуҙы ғына һибергә ярай. Тупраҡ дымлы булып торорлоҡ итеп кенә ҡойорға кәрәк. Ләкин иң яҡшыһы – ҡар һыуы. Һыуҙы үҫенте төбөнә һипмәгеҙ, япрағына ла тейҙермәгеҙ.

Томатҡа ныҡ булып үҫеү өсөн туҡлыҡлы матдәләр ҙә кәрәк. Помидор үҫентеләрен шытҡандан һуң өс аҙна үткәс айырым һауытҡа ултырталар. Бер аҙнанан һуң ғына ашлама һибегеҙ. Иң яҡшыһы – ҡош тиҙәге. Әсетелгән һыйыр тиҙәген ҡулланмай тороғоҙ. Унда паразит селәүсендәрҙең йомортҡалары булыуы мөмкин. Улар тупраҡты зарарлай. Ашламаларҙы үрсетмәгә һыу һипкәс кенә һалалар. Был талапты үтәмәһәгеҙ, тамырҙарын яндырыуығыҙ ихтимал. Көл дә – яҡшы ашлама.

Үрсетмәләрҙең аҫҡы япраҡтары һарғайып ҡойола башлаһа, азот етмәй тигән һүҙ. Бындай осраҡта «Азофоской» ашламаһы ярҙамға килер. “Унифлор-бутон”, “Кемира-люкс" һәм "Аквадон-микро" препараттары ла яҡшы. Үҫентеләрегеҙ үҫмәй ултырһа, тимәк, яҡтылыҡ һәм тимер етмәй.

Күп баҡсасы үрсетмәне лампалар аҫтында үҫтерә. Уны үҫемлек өҫтөнән 5 – 7 см бейеклектә урынлаштырырға кәрәк. Буйға үҫкән һайын лампаны ла күтәрә баралар. Баклажан менән помидор яҡтылыҡҡа туймай, көнөнә 11– 12 сәғәт яҡты кәрәк, татлы боросҡа 7 сәғәт тә етә.

Помидорҙарҙы айырым һауыттарға күсереп ултыртҡансы тупраҡты баҡыр хлорокисе – “Хом” препараты эретмәһе менән эшкәртеп алыу ҡамасауламаҫ. Йәшелсә фитофтора менән сирләмәҫ.

Онотмағыҙ, ваҡытында тәрбиәләгән үҫентеләр генә мул уңыш бирә һәм сирҙәргә бирешмәй.

Фото: timeundersun.com

https://ye102.ru/articles/mahsus/2020-04-06/pomidor-ar-yuyn-yarata-738067

Автор:

Читайте нас

вк

ок

Партнеры

Фотобанк журналистов РБ

Рубрика "Еда и напитки"

Рубрика "Животные"

© 1925-2026 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; "Республика Башкортостан" нәшриәт йорто акционерҙар йәмғиәте. Учредители: Агентство по печати и средствам массовой информации Республики Башкортостан; Акционерное общество Издательский дом "Республика Башкортостан".

Об использовании персональных данных

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан в связи с изменением состава учредителей - регистрационный номер ПИ № ТУ 02-01753 от 19 мая 2025 года.

Баш мөхәррир: Илгиз Вәкил улы ИШБУЛАТОВ

Телефон

(347)292-77-60

Эл. почта

henvil@yandex.ru

Адрес

450005, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.

Редакция

(347)292-77-60

Приемная

(347)292-77-60