Йәштәр театры премьераға саҡыра

«Был ваҡиғаларға бик күп йылдар үтһә лә, әҫәрҙең фәһеме үҙгәрмәй. Тамашасылар актерҙар менән бергә дуҫлыҡтың һәм ғәҙеллектең әһәмиәтен билдәләй ала», — тине «Башинформ»ға спектаклдең ҡуйыусы режиссеры, Башҡортостандың атҡаҙанған сәнғәт эшмәкәре Рөстәм Хәкимов.

Спектаклдә Башҡортостандың халыҡ артистары Мәғәфүр Усманов, Венер Камалов, Илсур Хәбиров, Рушанна Бабич, Гөлшат Ғайсина; республиканың атҡаҙанған артистары Рәмзил Сәлмәнов, Гөлбинә Сафуанова, Гөлсөм Бикбулатова, Илгиз Таһиров, Шәһит Хамматов һәм театр актерҙары Вадим Ҡылысов, Салауат Юлдашбаев, Ләйсән Миңлеғәлиева, Динислам Сафин, Әбйәлил Үтәбаев, Гөлсәсәк Зарипова, Гилүс Минһажев ҡатнаша.

Инсценировка авторы — Владимир Жеребцов, спектаклдең ҡуйыусы рәссамы — Искәндәр Бакиров, костюмдар буйынса рәссам — Әлиә Байрамғолова, хореограф — Башҡортостандың атҡаҙанған артисы Рәмизә Мөхәмәтшина, композитор — Вәсил Ғафаров, башҡорт теленә тәржемәсе — Салауат Юлаев исемендәге дәүләт премияһы лауреаты Зөһрә Бураҡаева, яҡтыртыу буйынса рәссам —  Светлана Насонова.

https://www.bashinform.ru/news/culture/2023-03-31/v-ufe-molodezhnyy-teatr-priglashaet-na-premieru-po-povesti-mustaya-karima-derevenskie-advokaty-3199640