+30 °С
Болотло
Төрлөһөнән
5 Апрель 2024, 08:00
Бишек йыры – иҫ киткес көскә эйә!
Әсәһенең көйләүен тыңлап үҫкән балалар айырылып тора, ти белгестәр. Яңы тыуған сабый һәм әсәй араһындағы эмоциональ бәйләнеште тәүге көндән үк нығытыу кәрәк. Был баланың донъя һәм кешеләр менән алға табан мөнәсәбәттәре формалашыуының төп нигеҙе. Уны булдырыуға бишек йырҙары бик ярҙам итә.
Бишек йыры – иҫ киткес көскә эйә!
Бишек йырын йырлау – эмоциональ бәйләнештең айырым төрө. Сөнки улар тыныс темпта, махсус интонация менән яңғырай, ауаздарҙы һуҙыу балаға ял итергә, йоҡларға әҙерләнергә мөмкинлек бирә.
Бәләкәй бала йырҙың һүҙен, мәғәнәһен дә аңламай әлбиттә. Әммә интонацияны, тембрҙы һәм башҡарыу темпын ҡабул итә. Яғымлы, наҙлы бишек ритмы биологик ритмдар менән бәйле: кешенең йөрәк тибеше һәм тыныс хәлдә тигеҙ һулыш алыуы. Баланы тирбәтеү, ярым яҡтылыҡ һәм сабыйына ғына иғтибар йүнәлтеп, бишек йырҙары көйләгән әсә – былар барыһы ла сабый менән әсә араһындағы берҙәмлек, хәүефһеҙлек һәм ышаныс хисе тыуҙыра.
Һуңыраҡ, балаға 6 айҙар тирәһендә, ул йырҙа йыш ҡабатланған һүҙҙәрҙе иҫтә ҡалдыра башлай. Ҡыҫҡаһы, бишек йырҙары сабыйҙар өсөн бик файҙалы йоғонто яһай, уларҙың психологик хәләтенә, һөйләм үҫешенә ярҙамы ҙур.
Фото: triptonkosti.ru
