Унан, бынан, тегенән

*Шәмбе һайын әсәһе малайын өйөнә алып ҡайта ине. Бәләкәсенә сит өйҙә яңы ҡағиҙәләргә буйһоноп йәшәүе еңел булмай сыҡты. Ҡайныһы менән ҡәйнәһе лә тиҙ ялҡытты.
*Беҙҙең үтә тиҙ артҡан килемебеҙ әкрен артҡан хаҡтарҙы һис тә ҡыуып етә алмай.
*Дәүләт дауаханаларында эшләгән табиптар ауырыуҙарҙы, шәхси клиникаларҙа эшләүселәр һау кешеләрҙе яратмай.
*Коррупция – ныҡ алама нәмә. Иң аламаһы – беҙҙе унда ҡатнаштырмайҙар.
*Туҡта, мәл! Алда тағы ла хөртөрәк буласаҡ.
*Район башлығы үҙенең эш хаҡын ике тапҡырға кәметергә ҡушты. Коронавирус менән ауырыу ауыр эҙемтәләргә килтерә тип дөрөҫ әйтәләр икән.
*“45 томдан торған энциклопедия һатам. Миңә улар башҡаса кәрәкмәй. Сөнки яңыраҡ өйләндем һәм шаҡ ҡаттым: ҡатынымдың белмәгән нәмәһе юҡ”.

М. МӨХӘМӘТОВ йыйҙы.