+28 °С
Облачно
Төрлөһөнән
3 Апреля 2025, 04:00
КИЛЕМ
Чиновник эшкә китеп барғанда яр буйында күгәрсендәр ашатҡан ҡартты күрә. Иртәгәһен дә, өсөнсө көндә лә шул уҡ хәл. Ул шоферына машинаны туҡтатырға бойора. Ҡарт янына барып, бер килке ҡарап торғас, һорашырға тотона: – Һеҙ көн дә ҡоштарҙы ашатаһығыҙ. Миңә ҡыҙыҡ, аҡсаны ҡайҙан алаһыҙ? – Эйе, көн дә ашатам. Пенсиямды тотонам.
КИЛЕМ
– Икмәкте ҡайҙан алаһығыҙ?
– Магазинда миңә һатыусы ҡатҡан икмәкте ярты хаҡҡа һата.
Чиновник, бер аҙ уйланып баҫып торғас, борола ла китеп бара.
Өс көндән һуң машинаһын йәнә туҡтата.
– Һеҙ икмәкте һатыусынан былай ғына һатып алаһығыҙмы?
– Эйе.
Чиновник ҡаты уйға ҡала. Ҡарт күгәрсендәрҙе ашатып бөтә лә пакетын кеҫәһенә тыға.
– Һеҙ нимәлер хаҡында уйлайһығыҙ буғай? – тип һорай ул чиновниктан.
– Уйлайым шул. Мин әле булһа һинең күпме килем алғаныңды төшөнөп етә алмайым...
