+28 °С
Облачно
Төрлөһөнән
14 Июля 2025, 07:20
Сантехниканы таҙартыу өсөн өй шарттарында гель рецепты
Махсус химия кәрәкмәй – унитаздағы һары таптарҙы бөтөрөү өсөн кухняла булған ябай тауарҙар етә. Төп актив матдәләр – аш һеркәһе һәм лимон кислотаһы: улар эзбиз кеүек ҡатмарлы ҡатнашмаларҙы иретә. Крахмал – гель нигеҙе: ҡатнашмаға тиҙ генә йыуылып төшмәҫкә ярҙам итә һәм шыйыҡсаның тәьҫир итеү ваҡытын оҙонайта.
Сантехниканы таҙартыу өсөн өй шарттарында гел рецепты
Рецепт (яҡынса 500 мл гель сыға): 3 аш кашығы крахмал (картуф йәки кукуруз), 2 стакан һыу (500 мл), 2 аш ҡашығы 9% аш һеркәһе, 4 аш ҡашығы лимон кислотаһы, 100 мл йыуа торған шыйыҡса.
Әҙерләү: крахмалды һалҡын һыуҙа болғатып, утка ҡуйығыҙ, 5-7 минут бешереп, ҡуйы «кисель» хәленә килтерегеҙ. Һыуынғас, аш һеркәһе, лимон кислотаһы һәм йыуа торған шыйыҡса ҡушып бутағыҙ. Шешәгә һалып, ҡапҡас менән ябып һаҡлағыҙ.
- Ҡулланыу: ҡуйы гелде унитаз, раковина, ванна кеүек урындарға һылап ҡуйығыҙ. Ҡаты таптар өсөн бер нисә сәғәткә, төнгә ҡалдырырға мөмкин. Һуңынан щетка менән ышҡып, йыуып төшөрәргә ҡала.
- Өҫтөнлөктәре: хлорлы, ҡаты химия юҡ – еҫһеҙ, хәүеф-хәтәрһеҙ, аллергия килтереп сығармай. Эмалде тырнап бөтөрмәй, ғөмүмән, өҫлөгөн һаҡлай. Арзан, тәбиғи һәм файҙалы.
- Экологик яҡтан таҙа – тәбиғи ингредиенттар ҡулланыла, һыу системаһына зыян һалмай. Һынап ҡарағыҙ – һанаулы ғына әйберҙәрҙән ванна бүлмәгеҙ яңы кеүек ялтырап торор.
Фото: dzen.ruhttps://ya.ru/images/
