Ҡоймаҡ ваҡиғаһы (файҙаһы)

Ҡазый ҡатынды иғтибар менән тыңлай һәм ярҙам итәсәген белдерә. Иртәгә миңә ҡоймаҡ бешереп алып кил, ти. Әммә ҡоймаҡ бешереү өсөн он, май, тоҙ, һыуҙы ла күршеләренән алырға ҡуша. Әлбиттә, ҡатын ғәжәпләнә, ләкин ҡазый ҡушҡас, тыңламай булдыра алмай һәм күршеләренә инеп кәрәк ризыҡтарҙы һорай башлай. Ә күршеләренең һәр береһе, ҡоймаҡ бешереү өсөн үҙеңдә лә бар бит барыһы ла, нишләп беҙҙән һорайһың, тип аптырашып тегенән һораша. Ҡатын хәлде һөйләп бирә, ирен дә насарлап һөйләй, уны яманлай.
Күршеләре лә үҙ зарҙарын һөйләй һәм үҙ ирҙәренең бының иренән дә насарыраҡ, мыжығыраҡ булыуына түҙеп тороуҙарын әйтә.
Шулай итеп, йомош менән йөрөгәндә башҡа ҡатындарҙың да ирҙәренең насарлыҡтарын ишетеп, үҙ иренең ыңғай, яҡшы яҡтарын күрә башлай, ҡоймаҡ та бешермәй, ҡазыйға ла бармай, иренә риза булып йәшәп ята икән.
Ғаиләлә аңлашылмаусанлыҡ, талашыу осраҡтары өсөн бер яҡ ҡына ғәйепле булмай. «Бейәлә лә, тәртәлә лә», «Ирҙе ир иткән дә, хур иткән дә ҡатын» тип бер ҙә юҡҡа әйтмәйҙәр бит.
Аллаһы Тәғәлә әҙәм балаларына бүләк итеп аҡыл биргән, бөтә нәмәне лә шул аҡылыбыҙға таянып хәл итәйек.

https://vk.com/public215622371