+14 °С
Дождь
Төрлөһөнән
23 Июня , 06:30
КАМБЭК
Әхмәр ҮТӘБАЙ: "Мең дә бер күҙәтеүем" яҙмаларынан 953-сө күҙәтеү. Бигерәк тә хоккей уйыны барғанда комментаторҙар был һүҙҙе йыш ҡуллана. Уйын бөтөүгә һанаулы ғына минут-секундтар ҡалғанда уйын башында яҡшы ғына уйнап, аҙаҡ еңелеүгә табан барған команда, һуңғы көсөн йыйып, ҡапҡасыны 6-сы уйынсыға алыштырып, батып барғанда "һаламға йәбешергә маташа". Шулай ҙа уйлағаным бар: әгәр ҙә команда шул һуңғы секундтарҙағы һымаҡ уйнаһа, һис ҡасан да еңелмәҫ ине...Ә бит хоккейҙа ғына түгел, тормошта ла, шундай уҡ күренеш күҙәтелә.
КАМБЭК
Ҡартайғас йәш сағында эшләмәгәнен тормошҡа ашырырға маташып йүгермәләгән кешенең хәлен дә камбэк тип атарға булалыр. Уларҙың хәлен шулай аңларға кәрәктер:
Ҡартайғанда тыртайған —
Камбэк...
Эшләр ине —
Хәл юҡ,
Камбэк...
Дәрт бар ҙа, дарман —
Каюк.
Скандинавия таяғы —
Бамбук.
Инглиз теленән был һүҙ "ҡайтыу" тип тәржемә ителә. Әҙәм балаһы, моғайын, баҡыйлыҡҡа күсеп, мең проблемалы тән ауырлығынан ҡотолоп, ике донъяны бер итеп елдереп осоп йөрөгәнендә генә "камбэк"тың ысын мәғәнәһен аңлайҙыр. Төп йортона әйләнеп ҡайтҡас ҡына. Юҡҡа ғына был хәләт ҡайтыуҙы аңлатмай.
