+14 °С
Облачно
Төрлөһөнән
30 Июня , 09:35
Сүрә менән аяттың айырмаһы ниҙә?
ҠӨРЪӘН КӘРИМ — мосолмандарҙың Изге Китабы, йәшәү күрһәткесе. Унда СҮРӘләр, ә уларҙа АЯТтар, ә аяттарҙа ДОҒАлар урын алған. СҮРӘ – Ҡөръәндәге бүлек ул. Улар бөтәһе 114. АЯТ – шул сүрәлә килгән бүлексәләр. Улар ҠӨРЪӘНдең иң ваҡ БЕРӘМЕКТӘРЕ. Аяттарҙың һандары төрлөсә була ала. Мәҫәлән, Ҡөръәндең иң оҙон сүрәһе булған Әл-Бәҡара/Һыйыр сүрәһендә 286 аят булһа, иң ҡыҫҡа сүрә – Әл-Кәүҫәр 3 аяттан тора. ДОҒА – шул аяттарҙа урын алған Аллаһыға мөрәжәғәт итеү һүҙҙәре.
Сүрә менән аяттың айырмаһы ниҙә?
Мәҫәлән, беҙ өләсәй-олатайҙарыбыҙҙан, атай-әсәйҙәребеҙҙән өйрәнеп ҡалған доғаларҙы Изге Китабыбыҙҙың биттәрендә осрата алабыҙ.
Әйтәйек, берәй ергә килгәс, йортҡа ҡылына торған доға Ҡөръәндең Әл-Мөьминун сүрәһендәге 29-сы аятта килә.
Әммә доға һүҙҙәре ХӘҘИСТӘРҙә, сәхәбәләр (Рәсүлебеҙгә эйәреүселәр), ислам ғалимдары һәм башҡалар ҡылған ялбарыу һүҙҙәре аша ла тапшырыла.
Күп доғаларҙы беҙгә Пәйғәмбәребеҙ үҙе өйрәтеп ҡалдырған.
Шуныһын белеүебеҙ кәрәк: ДОҒА – ул Аллаһыға ялбарыу һүҙҙәре, уны һәр кем үҙенсә, үҙ телендә башҡара ала. Харамдарҙан тыйылып йәшәгән кешенең ихлас күңелдән ҡылған доғаһы, һис шикһеҙ, Аллаһыға ирешер.
Фото: br.pinterest.com
