+24 °С
Облачно
Төрлөһөнән
12 Августа , 06:20
Яҡшыға юрау
Африкала йәшәүсе батшаның бала саҡтан бергән уйнап үҫкән дуҫы булған. Бер ҡыҙыҡ ғәҙәтле: ниндәй генә хәл килеп сыҡмаһын: «Яҡшыға был!» – тип әйткән. Бер ваҡыт, ауҙа йөрөгәндә, һәр ваҡыттағыса дуҫы батшаға ҡоралын әҙерләп биргән. Тик ниндәйҙер яңылышлыҡ арҡаһында ҡорал атып ебәргән һәм батшаның бер бармағын өҙгән. Дуҫы ҡарап торған да: «Яҡшыға был!» – тигән. Ә батшаның асыуы сыҡҡан: «Юҡ, яҡшыға түгел!» – тип дуҫын төрмәгә ултыртырға ҡушҡан.
Яҡшыға юрау
Йылға яҡын ваҡыт үткән. Батша сираттағы ауына үҙе генә сығып киткән һәм каннибалдар ҡулына эләккән. Тегеләре утын ташып, усаҡ яғып батшаны ашарға йыйына башлаған. Әммә инде усаҡты ҡабыҙырға йыйынғанда уның бер бармағы юҡлығын күреп ҡалғандар. Ә йола буйынса улар камил булмаған кешене ашамаған. Сискәндәр ҙә ебәргәндәр тегене.
Өйөнә ҡайтҡас, батша нисек бармаҡһыҙ ҡалыуын иҫенә төшөргән. Дуҫын төрмәгә ултыртыуы өсөн выждан ғазабы кисерә башлаған.
– Һин хаҡлы булғанһың икән, – тигән ул уның янына барып. – Бармағым өҙөлөү яҡшыға булған. Ә мин һиңә насарлыҡ эшләнем. Төрмәгә ултыртыуым өсөн оят, ғәфү ит.
– Юҡ, – тигән дуҫы. – Төрмәгә ултыртыуың яҡшыға булған. Әгәр бында ултырмаған булһам, мин һинең менән ауҙа булыр инем. Ни булһа, яҡшыға юрағыҙ, дуҫтар!
