+15 °С
Ясна
Төрлөһөнән
24 Сентябрь , 05:59
Стәрлетамаҡ автобус йөрөтөүсеһе ТНТ шоуында йырланы
ТНТ телеканалында яңы тапшырыуҙың беренсе сығарылышы булды. Унда ҡатнашыусылар үҙ таланттарын күрһәтә. Шоуҙың киләһе этабына сығыу өсөн жюриҙан ике «эйе» алырға кәрәк — бәйгеселәрҙе Ольга Бузова, Марина Кравец, Сергей Светлаков һәм Сергей Орлов баһалай. Төп приз — 10 миллион һум һәм канал менән контракт.
Стәрлетамаҡ автобус йөрөтөүсеһе ТНТ шоуында йырланы
Конкурсанттарҙың береһе —Стәрлетамаҡтан, йырларға яратыусы автобус йөрөтөүсеһе Рөстәм Яҡшыбаев. Бер мәл пассажирҙарҙың береһе уны видеога төшөргән дә яҙманы интернетҡа ҡуйған. Ошонан һуң Рөстәм юлда йырҙар башҡарып, үҙен үҙе яҙҙыра башлаған.
«Музыкаль белемем юҡ, ләкин матур итеп йырларға тырышам. Рейста йөрөгәнемдә, кешеләр миңә ҡушылып йырлай, һәр ваҡыт йылмайып минең маршруттан сығалар. ТНТ-ға тағы ла күберәк танылыу өсөн килдем. Ун миллион отһам — ғаилә ҙур, балаларым дүртәү — уҡыу, кредиттар, ипотека өсөн түләрмен», — тине Рөстәм.
Сәхнәлә ул Александр Серовтың «Я люблю тебя до слез» йырын башҡарҙы, тамашасылар араһында ултырған ҡатынына бағышланы уны. Ҡыҙғанысҡа ҡаршы, ул ике «эйе» ала алманы.
Ә тамашасыларға сығыш бик оҡшаны.
