+14 °С
Облачно
Ғәләмәт бит
3 Февраля 2023, 07:00
Ысын дуҫлыҡ
Бынау Ҡәбиҙә менән Фәғилә кеүек тә яҡын әхирәттәр булмаҫ!Уларҙың был тиклем дә татыулығына ҡайһы берәүҙәр:– Их, минең дә шундай йән дуҫым булһа икән, –тип көнләшеп тә ҡуя. Буй-һындары бер сама булғас, хатта кейемдәре лә уртаҡ уларҙың. Ә серҙәре тураһында әйтеп тораһы ла юҡ: кем нимә алған, кем кемгә нимә әйткән, анау егет ҡайҙа үрелгән.
Ысын дуҫлыҡ
Бер көндө уларҙың дуҫлығының ныҡлығына тағы ла шаһит булдыҡ.
Кассир булып эшләгән Ҡәбиҙә аҡса тарата башлағайны, уныһы нишләптер бөтәһенә етмәне лә ҡуйҙы. Ҡайғыға ҡалған ҡыҙыҡай улай итте, былай итте.
– Яңылыш һеҙгә биреп ебәрмәнем микән? – тип аҡса алып өлгөргән кешеләрҙекен ҡабаттан һанап сыҡты.
Эш хаҡы алырға өмөтләнеп йөрөгәндәр ҙә ауыр һуланы.
– Хәҙер нишләрмен икән, бөгөн туйға барырға ине бит әле.
Шул саҡ төпкө бүлмәлә ултырған Фәғиләнең ҡыуаныслы тауышы ишетелде:
– Уй Аллаҡайым, әлдә генә үҙем алып өлгөрҙөм!
В. ҒАФУРОВ.
